పర్చూరు నియోజకవర్గంలో ఆరు మండలాల ఎంపీపీ అభ్యర్థుల ఎంపిక
ఇంకొల్లు, మేజర్న్యూస్ :
పర్చూరు నియోజకవర్గంలోని ఆరు మండలాల మండల పరిషత్ అధ్యక్షుల (ఎంపీపీ) ఎంపికకు తెలుగుదేశం పార్టీ కసరత్తు పూర్తి చేసింది. పార్టీ అధిష్టానం ఆదేశాల మేరకు బాపట్ల పార్లమెంట్ తెలుగుదేశం పార్టీ మాజీ అధ్యక్షులు, ఎమ్మెల్యే ఏలూరి సాంబశివరావు ఆరు మండలాలకు ఎంపీపీ అభ్యర్థుల పేర్లను సిఫార్సు చేశారు.ఈ మేరకు మార్టూరు, యద్దనపూడి, పర్చూరు, కారంచేడు, ఇంకొల్లు, చిన్నగంజాం మండలాలకు సంబంధించి ఎంపీపీ అభ్యర్థుల పేర్లను ఖరారు చేస్తూ పార్టీ అధిష్టానానికి ప్రతిపాదనలు పంపించారు.పార్టీ అధిష్టానం మార్గదర్శకత్వంలో, స్థానిక రాజకీయ పరిస్థితులు, పార్టీ శ్రేణుల అభిప్రాయాలు, సామాజిక సమీకరణాలను పరిగణనలోకి తీసుకుని ఎమ్మెల్యే ఏలూరి ఈ పేర్లను సిఫార్సు చేసినట్లు ఎమ్మెల్యే ఏలూరి పేర్కొన్నారు.
స్థానిక సంస్థల్లో తెలుగుదేశం పార్టీ మరింత బలోపేతం కావడంతో పాటు, ప్రజలకు మెరుగైన పాలన, అభివృద్ధి, సంక్షేమ ఫలాలు అందించడమే లక్ష్యంగా ఈ ఎంపిక ప్రక్రియ చేపట్టినట్లు ఎమ్మెల్యే ఏలూరి పేర్కొన్నారు.
ఎంపీపీ అభ్యర్థుల వివరాలు:
మార్టూరు: మేకల మాధురి
యద్దనపూడి: గుదే తారకరామారావు
పర్చూరు: కొల్ల శ్రీనివాసరావు
కారంచేడు: సికా సాల్మన్ రాజు
ఇంకొల్లు: కోటా శ్రీదేవి
చిన్నగంజాం: విక్రం దీప్తి