పామూరు పంచాయతీకి స్వచ్ఛ ఆంధ్ర అవార్డు

అభినందించిన బ్రహ్మయ్య, హజరత్ అలీ

పామూరు, మేజర్ న్యూస్ : 

స్వచ్ఛత, పారిశుధ్య నిర్వహణలో విశేషంగా కృషి చేసిన గ్రామ పంచాయతీలను గుర్తిస్తూ ప్రభుత్వం అందజేస్తున్న స్వచ్ఛ ఆంధ్ర 2026 అవార్డుల్లో పామూరు గ్రామ పంచాయతీకి అవార్డు లభించింది. మార్కాపురం జిల్లా కంభం రోడ్డులోని శ్రీ వెంకటేశ్వర కల్యాణ మండపంలో శుక్రవారం నిర్వహించిన అవార్డుల ప్రదానోత్సవ కార్యక్రమంలో జిల్లా కలెక్టర్  ఎం. విజయ సునీత, జాయింట్ కలెక్టర్ పి. శ్రీనివాసులు అందజేశారు. స్వచ్ఛత, పారిశుధ్య నిర్వహణలో పామూరు గ్రామ పంచాయతీ అందిస్తున్న సేవలను గుర్తిస్తూ ఈ అవార్డు దక్కడం పట్ల పంచాయతీ అధికారులు హర్షం వ్యక్తం చేశారు. ఈ సందర్భంగా పామూరు పంచాయతీ అభివృద్ధి అధికారులను ఎంపీడీవో ఎల్. బ్రహ్మయ్య, డిప్యూటీ ఎంపీడీవో షేక్ హజరత్ అలీ అభినందించారు. గ్రామంలో స్వచ్ఛత, పారిశుధ్యాన్ని మరింత మెరుగుపరిచేందుకు అధికారులు సిబ్బంది చేస్తున్న కృషికి ఈ అవార్డు గుర్తింపుగా నిలిచిందన్నారు.