ఓటు హక్కు వినియోగించుకున్న జిల్లా పార్టీ అధ్యక్షులు కె.కె రాజు

సీతమ్మధార,  సూర్య : వై.యస్.ఆర్ కాంగ్రెస్ పార్టీ విశాఖపట్నం జిల్లా పార్టీ అధ్యక్షులు కె.కె రాజు  విశాఖ ఉత్తర నియోజకవర్గం 53వ వార్డు, పోలింగ్ బూత్ నంబర్ 02 పరిధిలోని ఎస్.ఇ.పి.హెచ్. కార్యాలయంలో ఏర్పాటు చేసిన పోలింగ్ కేంద్రంలో తన ఓటు హక్కును వినియోగించుకున్నారు. ఈసందర్భంగా  కె.కె రాజు గారు మాట్లాడుతూ భారత సర్వోన్నత న్యాయస్థానం  జారీ చేసిన ఉత్తర్వుల్లోని పేరా 13(VI) ప్రకారం నామినేషన్ల స్వీకరణ కేంద్రాలు, రిటర్నింగ్ అధికారుల కార్యాలయాలు, పోలింగ్ కేంద్రాలు, స్ట్రాంగ్ రూములు, ఓట్ల లెక్కింపు కేంద్రాల వద్ద తప్పనిసరిగా సీసీటీవీ కెమెరాలు, వీడియోగ్రఫీ ఏర్పాటు చేయాలని స్పష్టమైన ఆదేశాలు ఉన్నాయని గుర్తుచేశారు. అయితే విశాఖ నగరంలోని అనేక పోలింగ్ కేంద్రాల్లో ఇప్పటికీ సీసీ కెమెరాల ఏర్పాటు లేకపోవడం, మరికొన్ని కేంద్రాల్లో పాక్షికంగా మాత్రమే నిఘా ఏర్పాట్లు చేయడం తీవ్ర ఆందోళన కలిగిస్తోందని అన్నారు. ఎన్నికల ప్రక్రియపై ప్రజల్లో నమ్మకం పెంపొందించాలంటే పారదర్శకత అత్యంత కీలకమని, ప్రజాస్వామ్య విలువలను కాపాడేందుకు ప్రతి ఒక్కరు కృషిచేయాలని అన్నారు.