andhrapradesh
బొర్రాఅనిత గెలుపు.. మండల అభివృద్ధికి మలుపు
బొల్లవరంలో ఎన్నికల ప్రచారంలో పాల్గొన్న తెదేపా రాష్ట్ర కార్యనిర్వాహక కార్యదర్శి మల్లిబాబు, బొర్రా అప్పారావు
ముప్పాళ్ల, న్యూస్ : జనసేన జడ్పిటిసి అభ్యర్థి బొర్రా అనిత గెలుపు మండల అభివృద్ధికి, ప్రగతికి కీలక మలుపు అని తెలుగుదేశం పార్టీ రాష్ట్ర కార్యనిర్వాహ కార్యదర్శి మన్నెం శివ నాగమల్లేశ్వరరావు( మల్లి బాబు) అన్నారు. సోమవారం మండలంలోని బొల్లవరం గ్రామంలో కూటమి బలపరిచిన జనసేన జడ్పిటిసి అభ్యర్థి బొర్ర అనిత ఎన్నికల ప్రచారంలో ఆయన పాల్గొని ప్రసంగించారు. ఆయనతోపాటు నియోజకవర్గ జనసేన సమన్వయకర్త బొర్ర వెంకట అప్పారావు, మాజీ ఎంపీపీ కళ్ళం వీరభాస్కర్ రెడ్డి, మండల పార్టీ అధ్యక్షులు బత్తుల నాగేశ్వరరావు ఉన్నారు. ముందుగా ఇంటింటికి తిరిగి కరపత్రాలను పంపిణీ చేశారు. గత 25 నెలలుగా కూటమి ప్రభుత్వం అందిస్తున్న సంక్షేమ పథకాలను వివరించారు.
