ఒక్క ఓటుతో బీజేపీ అభ్యర్థి విజయం!

  కాకినాడ:స్థానిక సంస్థల ఓట్ల లెక్కింపులో కాకినాడ జిల్లా తుని మున్సిపాలిటీ పరిధిలోని 22వ వార్డు ఫలితం ఆద్యంతం తీవ్ర ఉత్కంఠ రేపింది. ప్రతి ఓటూ కీలకమే అని నిరూపిస్తూ కేవలం ఒకే ఒక్క ఓటు తేడాతో విజేత ఎవరనేది ఖరారైంది.

ఓట్ల లెక్కింపు ముగిసే సమయానికి వైఎస్సార్ కాంగ్రెస్ పార్టీ (వైసీపీ) అభ్యర్థికి 364 ఓట్లు పోలవ్వగా, భారతీయ జనతా పార్టీ (బీజేపీ) అభ్యర్థికి 365 ఓట్లు వచ్చాయి. తీవ్ర హోరాహోరీగా సాగిన ఈ పోరులో చివరకు ఒక్క ఓటు ఆధిక్యంతో బీజేపీ అభ్యర్థి గెలుపొందినట్లు ఎన్నికల అధికారులు అధికారికంగా ప్రకటించారు.

ఆఖరి క్షణం వరకు ఊహించని రీతిలో సాగిన ఈ ఫలితంపై స్థానికంగా తీవ్ర చర్చ సాగుతోంది. ఒకే ఒక్క ఓటుతో గెలుపు తలకిందులు కావడంతో బీజేపీ శ్రేణులు హర్షం వ్యక్తం చేస్తుండగా, వైసీపీ వర్గాల్లో నిరాశ వ్యక్తమైంది.