న్యాయవాదుల రక్షణ చట్టాన్ని తక్షణం అమలు చేయాలి.. సాకే నరేష్

(Mallikarjuna Surya Staff Seporter)

న్యాయవాదులపై జరుగుతున్న దాడులు, బెదిరింపులు, వేధింపులను అరికట్టేందుకు కేంద్ర, రాష్ట్ర ప్రభుత్వాలు ప్రత్యేక న్యాయవాదుల రక్షణ చట్టాన్ని తక్షణం అమలు చేయాలని బీసీ న్యాయవాదుల సంఘం రాష్ట్ర అధ్యక్షులు సాకే నరేష్ డిమాండ్ చేశారు. బీసీ న్యాయవాదుల సంఘం ఆధ్వర్యంలో నిర్వహించిన సమావేశంలో ఆయన మాట్లాడుతూ న్యాయవాదులు ప్రజల హక్కుల పరిరక్షణలో కీలక పాత్ర పోషిస్తున్నారని తెలిపారు. వృత్తి నిర్వహణలో ఎదురవుతున్న భద్రతా సమస్యలకు సమగ్ర చట్టపరమైన రక్షణ కల్పించాల్సిన అవసరం ఉందన్నారు. ఇటీవల విజయవాడలో న్యాయవాదిపై జరిగిన దాడిని ఖండిస్తూ, బాధ్యులపై చట్టప్రకారం కఠిన చర్యలు తీసుకోవాలని కోరారు. న్యాయవాదుల సంఘాలతో సంప్రదించి రక్షణ చట్టాన్ని రూపొందించి అమలు చేయాలని ప్రభుత్వాలను కోరారు. కార్యక్రమంలో రాష్ట్ర కార్యదర్శి నారాయణ స్వామి, మల్లేష్, నాగభూషణ, మంజునాథ్, శ్రీనివాసులు, వెంకటేష్ తదితరులు పాల్గొన్నారు.