నిత్యావసర సరుకుల పంపిణీలో అవకతవకలకు పాల్పడవద్దు .. తాసిల్దార్ శ్రీనివాసులు.
తంబళ్లపల్లె, మేజర్ న్యూస్, తంబళ్లపల్లె మండలంలోని స్టోర్ డీలర్లు నిత్యావసర సరుకుల పంపిణీలో ఎలాంటి అవకతవకలకు పాల్పడకుండా పారిదర్శకత పాటించాలని తాసిల్దార్ శ్రీనివాసులు హెచ్చరించారు. మంగళవారం కార్యాలయంలో స్టోర్ డీలర్ల సమావేశంలో మాట్లాడుతూ స్టోర్లలో తూకాలు కచ్చితంగా ఉండాలని, సకాలంలో లబ్ధిదారులకు నిత్యావసర సరుకులు పంపిణీ చేయాలని, నిత్యవసర సరుకులకు సకాలంలో డీడీలు చెల్లించాలని సూచించారు. ప్రతి ఒక్క లబ్ధిదారు ఈకేవైసీ తప్పక చేయించుకోవాలని తెలిపారు. నిత్యావసర సరుకుల పంపిణీలో అవకతవకులకు పాల్పడితే కఠిన చర్యలు తప్పవని హెచ్చరించారు.ఈ సమావేశంలో గోడౌన్ డిటి, మండలంలోని స్టోర్ డీలర్లు పాల్గొన్నారు.
పి. గౌరి శంకర్, స్టాఫ్ రిపోర్టర్, తంబళ్లపల్లె