నేటి నుండి వాసవి లో ప్రారంభం కానున్న నవరాత్రులు

తాడేపల్లిగూడెం , మేజర్ న్యూస్:తాడేపల్లిగూడెం ఏలూరు రోడ్ లో వేంచేసియున్న శ్రీ వాసవి కన్యకా పరమేశ్వరి పంచాయతన క్షేత్రంలో 59వ శ్రీదేవి శరన్నవరాత్ర మహోత్సవాలు వైభవోపేతంగా జరగనున్నాయని  ఉత్సవ కమిటీ అధ్యక్షులు వబిలిశెట్టి నటరాజ్  తెలియజేశారు. దీనికి సంబంధించిన బ్రోచర్ను రిలీజ్ చేశారు. 22 మంది వేత పురోహితుల మధ్య లక్ష కుంకుమార్చనలు, అష్టోత్తర శతకమల హోమాలు, సుహాసిని పూజలు, కుంకుమ పూజలు నిర్వహించనున్నారని నటరాజ్ తెలియజేశారు. తాడేపల్లిగూడెం శ్రీ ఆర్యవైశ్య సంఘం గౌరవాధ్యక్షులు మారం వెంకటేశ్వరరావు పర్యవేక్షణలో అధ్యక్షులు కొర్లేపర శ్రీరామచంద్రమూర్తి, కార్యదర్శి నున్న బాలత్రిపుర సుందర రావు, కోశాధికారి బోగవిల్లి రమేష్, ఆలయ కార్యదర్శులు ఆలపాటి సత్యనారాయణ, ఆలపాటి కృష్ణకుమార్ మరియు వివిధ కమిటీల సహాయ సహకారాలతో పూజాది క్రతువులు నిర్వహించనున్నారని తెలియజేశారు. వాసవి క్లబ్ ఆధ్వర్యంలో తెప్పోత్సవం రథోత్సవ కార్యక్రమాలు నిర్వహించనున్నారని వక్తలు తెలియజేశారు. ఈ కార్యక్రమంలో శ్రీ ఆర్యవైశ్య సంఘం ఉపాధ్యక్షులు వాసవి పెయింట్స్ పెనుగొండ శ్రీనివాస్, సూరిబాబు, డైరెక్టర్లు పాల్గొన్నారు.

 శ్రీనివాస్ తాడేపల్లిగూడెం పశ్చిమగోదావరి జిల్లా