BREAKING
ముసాయిదా ఓటర్ల జాబితాలో పేర్లు లేని అర్హులైన ఓటర్లకు మరో అవకాశం-జిల్లా కలెక్టర్ రాజకుమారి గణియా ఆనందపురం నూతన ఎంపీపీ, వైస్ ఎంపీపీ, ఎంపీటీసీలకు ఎమ్మెల్యే గంటా ఘన సత్కారం బ్రహ్మలింగేశ్వర స్వామి కళ్యాణ మహోత్సవంలో పాల్గొన్న స్పీకర్ అయ్యన్నపాత్రుడు దంపతులు* ఎస్.రాయవరం మేజర్ పంచాయతీ సర్పంచ్ అభ్యర్థిగా సోమిరెడ్డి లక్ష్మి నామినేషన్! మాడుగుల జడ్పీటీసీ సభ్యునిగా పుప్పాల లక్ష్మి నారాయణ ప్రమాణ స్వీకారం గోవింద నామస్మరణతో మార్మోగిన ఎస్.రాయవరం! మాకవరపాలెం జడ్పీటీసీగా అల్లు రామనాయుడు ప్రమాణ స్వీకారం క్రీడల్లో పాల్గొనడం వలన మంచి డైరెక్టర్ వ్యాయామం, అభినందించిన ఏ యూ డైరెక్టర్ అఫ్ ఫిజికల్ ఎడ్యుకేషన్, ఆచార్య ఎ. పల్లవి పెనుగొల్లులో చలో ఢిల్లీ పోస్టర్ విడుదల! గెడ్డపాలెంలో వైఎస్సార్‌సీపీ సత్తా చాటిన పీవీఆర్! కోనసీమ జిల్లా తొలి జడ్పీ చైర్‌పర్సన్‌గా గొల్లపల్లి అమూల్య.. హోంమంత్రి అనిత సహకారంతో అభివృద్ధి చేస్తా! కొరుప్రోలు జడ్పీ హైస్కూల్లో ముగిసిన గ్రంథాలయ వారోత్సవాలు! ప్రధాన మంత్రి మత్స్య సంపద యోజన కింద పెద్దేరు జలాశయంలో చేప పిల్లల విడుదల కనకమహాలక్ష్మి మార్గశిర ఉత్సవాలకు శ్రీకారం

నామినేషన్ స్వీకరణలో వివక్ష చూపారంటూ ఆవేదన

Select Suryaa Now
నామినేషన్ స్వీకరణలో వివక్ష చూపారంటూ ఆవేదన

 

కొసమాలలో సర్పంచ్ అభ్యర్థి ధ్రువపత్రాలు చించేశారని ఆరోపణలు

మెలియాపుట్టి. నవంబర్ 20. మేజర్ న్యూస్....
నామినేషన్ దాఖలు చేసేందుకు వచ్చిన మహిళా అభ్యర్థిని అడ్డుకుని, ఆమె చేతిలోని అసలు ధ్రువపత్రాలను చించివేశారని కొసమాల గ్రామంలో జనసేన, వైఎస్సార్సీపీ నాయకులు ఆరోపించారు. సర్పంచ్ అభ్యర్థి శిష్టు లక్ష్మిని పక్కకు తోసి నామినేషన్ వేయకుండా అడ్డుకున్నారని, చివరి నిమిషంలో సమయం ముగిసిందనే కారణంతో ఆమె నామినేషన్ తిరస్కరించారని పేర్కొన్నారు. ఈ ఘటనపై నాయకులు మీడియా ఎదుట ఆవేదన వ్యక్తం చేశారు.
మెలియాపుట్టి మండలంలోని కొసమాల గ్రామ సర్పంచ్ అభ్యర్థి శిష్టు లక్ష్మితో పాటు వార్డు సభ్యులుగా జొన్న ముద్దమ్మ, వట్టికుళ్ల రాజేశ్వరి, ఉర్లాన నీలవేణి, శ్రీరాం ప్రశాంత్, అంధవరపు ఇందిరమ్మ నామినేషన్లు దాఖలు చేసేందుకు వెళ్లిన సమయంలో కొందరు గ్రామానికి చెందిన టీడీపీ సభ్యులు గందరగోళం సృష్టించి అడ్డుకున్నారని జనసేన, వైఎస్సార్సీపీ నాయకులు వంశీ, మాణిక శివ, రాకేశ్, వట్టికుళ్ల శివ, కలవల బాబురావు, మాణిక గణేష్ ఆరోపించారు.
సర్పంచ్ అభ్యర్థి శిష్టు లక్ష్మి చేతిలోని అసలు ధ్రువపత్రాలను చించివేసి, మహిళ అని కూడా చూడకుండా పక్కకు తోసేశారని ఆమె తెలిపారు. ఐదుగురు వార్డు సభ్యుల నామినేషన్లను స్వీకరించినప్పటికీ, సర్పంచ్ అభ్యర్థి నామినేషన్‌ను చివరి నిమిషంలో సమయం ముగిసిందనే కారణంతో తిరస్కరించినట్లు నాయకులు పేర్కొన్నారు.
నామినేషన్ ప్రక్రియలో చోటుచేసుకున్న పరిణామాలపై అధికారులు విచారణ జరిపి న్యాయం చేయాలని బాధిత అభ్యర్థి, నాయకులు కోరారు. ఎన్నికల ప్రక్రియ పారదర్శకంగా సాగడంతో పాటు అభ్యర్థులందరికీ సమాన అవకాశాలు కల్పించాలని విజ్ఞప్తి చేశారు. ఈ ఘటనతో కొసమాల గ్రామంలో ఎన్నికల వాతావరణం ఉద్రిక్తంగా మారింది.