మృతి చెందిన APSPF ఉద్యోగి కుటుంబానికి రూ. 3,82,000 ఆర్థిక సహాయం అందజేత

విజయవాడ, మేజర్‌న్యూస్‌ :

విజయవాడ APSPF గార్డ్స్ విభాగంలో హెడ్ కానిస్టేబుల్ (HC 3043) గా విధులు నిర్వహిస్తున్న మహమ్మద్ ఖాజా మొయినుద్దీన్  31-10-2026న మరణించారు. మృతునికి భార్యతో పాటు ఇద్దరు పిల్లలు (కుమారుడు MBBS, కుమార్తె ఇంటర్మీడియట్ ప్రథమ సంవత్సరం చదువుతున్నారు) ఉన్నారు. పిల్లల భవిష్యత్తుకు మరియు కుటుంబానికి అండగా నిలవాలనే సదుద్దేశంతో '2000 బ్యాచ్ రియల్ హెల్పింగ్ గ్రూప్' సభ్యులు సమిష్టిగా సేకరించిన రూ. 3,82,000 (అక్షరాలా మూడు లక్షల ఎనభై రెండు వేల రూపాయలు) ఆర్థిక సహాయాన్ని అందజేశారు. విజయవాడలోని  ముత్యాలంపాడు (GPP) APSPF కార్యాలయంలో జరిగిన కార్యక్రమంలో, విజయవాడ జోన్ APSPF కమాండెంట్ ముద్దాడ శంకరరావు చేతుల మీదుగా ఈ ఆర్థిక సహాయాన్ని మృతుని సతీమణి బషీరున్నీసాకు అందజేయడం జరిగింది.ఈ కార్యక్రమంలో విజయవాడ APSPF గార్డ్స్ అసిస్టెంట్ కమాండెంట్ హేమసుందర్ ఇన్‌స్పెక్టర్లు,2000 బ్యాచ్ గ్రూప్ సభ్యులు మరియు కార్యాలయ సిబ్బంది పాల్గొన్నారు. ఈ సందర్భంగా మృతుని కుటుంబానికి 2000 బ్యాచ్ రియల్ హెల్పింగ్ గ్రూప్ సభ్యులు తమ ప్రగాఢ సానుభూతిని తెలియజేశారు. తోటి ఉద్యోగి కుటుంబానికి ఆపద సమయంలో అండగా నిలిచిన 2000 బ్యాచ్ సభ్యుల సేవాభావాన్ని అధికారులు మరియు పలువురు సిబ్బంది అభినందించారు.