మండల ప్రజలతో 40 ఏళ్ళ అనుబంధం..గ్రామం అభివృద్ధి కొరకే సర్పంచ్ బరిలో నిలిచా: వేణుగోపాల్ రావు
దేవనకొండ గ్రామాన్ని అన్ని విధాలుగా అభివృద్ధి చెలుకునేందుకు ప్రతి ఒక్కరూ తమతో కలిసి రావాలని దేవనకొండ గ్రామంలో టిడిపి మద్దతుతో సర్పంచ్ అభ్యర్థి గా నిలిచిన కట్టా వేణుగోపాల్ రావు పిలుపునిచ్చారు. మంగళవారం ఆయన టిడిపి నాయకులతో కలిసి విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ మా నాన్న స్వర్గీయ రామారావు కుటుంభంతో కలిసి 40 ఏళ్ల క్రితం దేవనకొండ గ్రామానికి రావడం జరిగింది. నాటి నుండి నేటి వరకు గ్రామ పజలతో పాటు మండలంలోని ప్రజలతో కూడా మా కుటుంబం మమేకమై ఉంది.కావున ఇక్కడ పరిస్తితులు తెలుసుకొని గ్రామ ప్రజలకు సేవ చేస్తూ గ్రామాన్ని అన్ని విధాలుగా అభివృద్ధి బాటలో నిలపాలనే దృఢ సంకల్పంతో నేడు గ్రామ సర్పంచ్ బరిలో నిలిచానన్నారు.మనమంతా జాతీయ వాదులం మాత్రమే ప్రాంతీయ వాదన పక్కన పెట్టి గ్రామం అభివృద్ధి చెందాలంటే తమకు సంపూర్ణ మద్దతు ఇవ్వాలని కోరారు.