మండల ప్రజా పరిషత్ అధ్యక్ష, ఉపాధ్యక్ష,కోఆప్షన్ సభ్యుని ఎన్నికలు నేడే
ఆత్మకూరు, మేజర్ న్యూస్ : ఆత్మకూరు మండలపరిషత్ అధ్యక్ష, ఉపాధ్యక్ష, కో ఆప్షన్ సభ్యుల ఎన్నిక గురువారం జరుగుతుందని స్థానిక ఎంపిడివో పి. రఫీ ఖాన్ తెలిపారు.
ముందుగా కోఆప్షన్ సభ్యుని ఎన్నిక జరుగుతుందన్నారు.
19వతేదీ ఉదయం 10 గంటల లోపల నామినేషన్లను సమర్పించవలసి ఉంటుందన్నారు.
10 నుంచి 12 గంటల మధ్య నామినేషన్ల పరిశీలన జరుగుతుందని,12 గంటలకు చెల్లుబాటైనా నామినేషన్ల జాబితా ప్రచురించబడుతుందని,
12.00 నుండి 1.00 మధ్య ఉపసంహరణలు,
ఒంటిగంటకు ఎంపీటీసీ సభ్యుల ల ప్రమాణ స్వీకారం అనంతరం కో ఆప్షన్ సభ్యుని ఎన్నిక జరుగుతుందన్నారు.
ఒకే నామినేషన్ ఉంటే ఏకగ్రీవంగా ఎన్నికైనట్లుగా ప్రకటించబడుతారని,
ఒకటి కన్నా ఎక్కువ నామినేషన్లు వస్తే ఎంపీటీసీ సభ్యులు చేతులెత్తే ప్రక్రియ ద్వారా ఎన్నుకుంటారన్నారు.
మధ్యాహ్నం మూడు గంటలకు మండల అధ్యక్షులు, మరియు ఉపాధ్యక్షులు ఎన్నిక జరుగుతుందని ఆయన తెలిపారు.ఈ ఎన్నికలు ఎంపీటీసీ సభ్యులు చేతులెత్తే ప్రక్రియ ద్వారా జరుగుతుందని రఫీఖాన్ పేర్కొన్నారు.