పంచాయతీ ఎన్నికల్లో క్లీన్ స్వీప్ చేయాలి - మంత్రి ఆనంకు ఘనమైన కానుక అందిద్దాం
ఆత్మకూరు, మేజర్ న్యూస్ : రానున్న పంచాయతీ ఎన్నికల్లో ఆత్మకూరు నియోజకవర్గంలోని ఆరు మండలాల్లో తెలుగుదేశం పార్టీ జెండా రెపరెపలాడాలని టీడీపీ రాష్ట్ర కార్యదర్శి, ఆత్మకూరు నియోజకవర్గం పార్టీ పరిశీలకులు శనివారపు మోహన్ రెడ్డి పిలుపునిచ్చారు. నియోజకవర్గ పరిధిలోని ఒక్క పంచాయతీ కూడా చేజారకుండా అన్ని స్థానాల్లో ఘన విజయం సాధించి, రాష్ట్ర దేవాదాయ, ధర్మాదాయ శాఖ మంత్రివర్యులు ఆనం రామనారాయణ రెడ్డి కి ఘనమైన కానుకగా అందించాలని ఆయన ఆకాంక్షించారు.
ఈ సందర్భంగా పార్టీ శ్రేణులను ఉద్దేశించి శనివారపు మోహన్ రెడ్డి మాట్లాడుతూ కింది స్థాయి నుంచి పై స్థాయి వరకు ప్రతి ఒక్కరూ సమన్వయంతో పనిచేయాలని దిశానిర్దేశం చేశారు. మండల పార్టీ అధ్యక్షులు, క్లస్టర్ ఇంచార్జీలు, యూనిట్ ఇంచార్జీలు, బూత్ ఇంచార్జీలు మరియు బీఎల్ఏ లు అందరూ ఒకే తాటిపైకి వచ్చి కలిసికట్టుగా పనిచేయాలన్నారు.
తాజాగా ఎన్నికైన జడ్పీటీసీలు, ఎంపీపీలు, ఎంపీటీసీలు అందరినీ కలుపుకొని ఎన్నికల రణరంగంలో ముందుకు సాగాలన్నారు.
ఆత్మకూరు నియోజకవర్గంలోని 6 మండలాల్లో ఏ ఒక్క పంచాయతీ మిస్ కాకుండా అన్ని చోట్లా టీడీపీ జయకేతనం ఎగరేయడమే మనందరి ప్రధాన లక్ష్యం కావాలన్నారు.
పార్టీ క్యాడర్ అంతా ఐకమత్యంతో కష్టపడి మంత్రి ఆనం రామనారాయణ రెడ్డి నాయకత్వాన్ని మరింత బలోపేతం చేయాలని మోహనరెడ్డి కోరారు.