మౌళిక సదుపాయాల కల్పనకు అధిక ప్రాధాన్యత

• పలాస ఎమ్మెల్యే గౌతు శిరీష
• 26వ వార్డులో సీసీ రోడ్డుకు శంకుస్థాపన

పలాస: పలాస కాశీబుగ్గ పురపాలక సంఘ ప్రజలకు అవసరమయ్యే మౌళిక సదుపాయాల కల్పనకు కూటమి ప్రభుత్వం అధిక ప్రాధాన్యత ఇస్తుందని పలాస ఎమ్మెల్యే గౌతు శిరీష అన్నారు.పలాస-కాశీబుగ్గ మున్సిపాలిటీ పరిధిలోని 26వ వార్డులో రూ.8 లక్షలతో నిర్మించనున్న సీసీ రోడ్డు పనులకు ఎమ్మెల్యే శిరీష ఆదివారం శంకుస్థాపన చేశారు.15వ ఆర్థిక సంఘం నిధులతో ఈ రోడ్డు నిర్మాణం చేపట్టనున్నారు.ఈ రోడ్డు పూర్తయితే స్థానికులకు రాకపోకలు సులభతరం కానున్నాయి. ముఖ్యంగా విద్యార్థులు, ఉద్యోగులు, వృద్ధులకు, వాహనదారులకు మెరుగైన రవాణా సౌకర్యం అందుబాటులోకి రానుంది.పట్టణంలో మౌలిక వసతుల కల్పనకు కృషి చేస్తున్నామని, వార్డుల వారీగా సమస్యలను పరిష్కరిస్తామని ఈ సందర్భంగా ఎమ్మెల్యే శిరీష తెలిపారు.కార్యక్రమంలో ఏపీటీపీసీ చైర్మన్ వజ్జ.బాబూరావు,మల్లా శ్రీనివాసరావు,శాసనపురి మురళీకృష్ణ,బడ్డ.నాగరాజు,లొడగల కామేశ్వరరావు,దువ్వాడ శ్రీకాంత్,సవర రాంబాబు, మలిపెద్ది నరేంద్ర కుమార్,కొవ్వూరి సురేష్ కుమార్,సప్ప నవీన్,యవ్వారి మోహన్ రావు,ఉప్పాడ పాండురంగారావు తదితరులు పాల్గొన్నారు.