ప్రజా సమస్యల పరిష్కార వేదికకు 103 ఫిర్యాదులు

విజయవాడ క్రైం,  మేజర్ న్యూస్ : ప్రజా సమస్యల సత్వర పరిష్కారం కోసం ప్రతి సోమవారం నిర్వహిస్తున్న ప్రజా సమస్యల పరిష్కార వేదికకు సోమవారం 103 ఫిర్యాదులు అందాయి. ఎన్.టి.ఆర్. జిల్లా పోలీస్ కమిషనర్ ఎస్.వి.రాజశేఖర బాబు ఆదేశాల మేరకు డీసీపీ ఎ.బి.టి.ఎస్.ఉదయారాణి, ఏసీపీ వెంకటేశ్వరరావు పోలీస్ కమిషనర్ కార్యాలయంలో కార్యక్రమాన్ని నిర్వహించారు. బాధితులతో నేరుగా మాట్లాడి వారి సమస్యలను తెలుసుకున్నారు. అందిన ఫిర్యాదుల్లో భూ, ఆస్తి వివాదాలు, నగదు లావాదేవీలకు సంబంధించి 30, భార్యాభర్తలు, కుటుంబ కలహాలకు 8, వివిధ మోసాలకు 20, మహిళా సంబంధిత నేరాలకు 11, కొట్లాటలకు 1, దొంగతనాలకు 3, ఇతర సమస్యలకు 30 ఫిర్యాదులు ఉన్నాయి. సమస్యల పరిష్కారానికి అధికారులు, సిబ్బంది సహకరించారు.

✍️ ప్రేమ్ రాజ్, విజయవాడ.