మర్రిపాడులో రైతు మహిళా దినోత్సవం

మర్రిపాడు మేజర్ న్యూస్:  ఉదయగిరి సబ్ డివిజన్ పరిధిలో మర్రిపాడు మండలంలో మీ రైతు సేవ కేంద్రం మర్రిపాడులో మహిళా రైతు దినోత్సవం గురువారం జరిగింది. ఈ కార్యక్రమమునకు ఉదయగిరి సహాయ వ్యవసాయ సంచాలకులు, చెన్నారెడ్డి, జిల్లా వనరుల కేంద్రం నెల్లూరు నుంచి వ్యవసాయ అధికారి చక్రవర్తి, ఉదయగిరి టెక్నికల్ వ్యవసాయ అధికారి సుబ్బారెడ్డి, దుత్తలూరు మండల వ్యవసాయ అధికారి మదన్మోహన్ మరియు మర్రిపాడు మండల వ్యవసాయ అధికారి ఎన్ కవితలు పాల్గొని ప్రసంగించారు. ఈ సందర్భంగా వారు మాట్లాడుతూ
అక్టోబర్ 15వ మనం మహిళా రైతు దినోత్సవం జరుపుకుంటున్నామని తెలిపారు. ఈ కార్యక్రమంలో భాగంగా వ్యవసాయంలో మహిళల పాత్ర గురించి చర్చించడం జరిగింది. అన్ని రంగాలతో పాటుగా వ్యవసాయ రంగంలో కూడా మహిళలు అద్భుతాలు సాధిస్తున్నారని అన్నారు. కూరగాయలు పండించడంలోనూ మరియు పశువులు సంరక్షణలోనూ మహిళలు పాత్ర లేకుండా ఏదీ సాధించడం జరగదని తెలియజేశారు. ఈ సందర్భంగా వ్యవసాయ రంగంలో వరి సాగులో మంచి దిగుబడులు సాధించిన కామాక్షమ్మ మరియు పశువులు గొర్రెలు సాగులో మెలకువలు చూపిస్తున్న రమాదేవి కూరగాయలు పండించడంలో రాణిస్తున్న సరస్వతి మరియు ప్రకృతి వ్యవసాయంలో మంచి ఫలితాలు సాధిస్తున్న పెంచలమ్మ గారికి సన్మానం చేయడం జరిగింది. ఈ కార్యక్రమంలో మండలంలోని మహిళా రైతులు మరియు వ్యవసాయ అధికార సిబ్బంది తదితరులు పాల్గొన్నారు.