అన్నదానం మహాదానం-యువ నాయకుడు నూకల అభినవ్ రెడ్డి

మరిపెడ, మేజర్ న్యూస్, అన్ని దానాలలో కెల్లా అన్నదానం గొప్పదని జిల్లా కాంగ్రెస్ యువ నాయకుడు నూకల అభినవ్ రెడ్డి అన్నారు.మరిపెడ పట్టణంలోని శివాలయం మాన్యం ప్రాంగణంలో దసరా శరన్నవరాత్రుల సందర్బంగా ఏర్పాటు చేసిన  దుర్గా మాత మండపం వద్ద ఐదవ రోజు గురువారం పట్టణ యాదవ సంఘం ఆధ్వర్యంలో అన్నదానం నిర్వహించారు. ఈ సందర్బంగా అభినవ్ రెడ్డి అమ్మవారిని దర్శించుకొని ప్రత్యేక పూజలు చేసి,అన్నదానం కార్యక్రమాన్ని ప్రారంభించారు.దుర్గామాత విగ్రహా ఏర్పాటుతో అంతటా ఆధ్యాత్మిక వాతావరణం నెలకొందన్నారు.అమ్మవారి దయతో ప్రజలంతా సుభిక్షంగా ఉండాలని ఆకాంక్షించారు.సామూహిక అన్నదానం వంటి కార్యక్రమాలతో ప్రజల మధ్య ఐకమత్యం పెంపొందుతుందని తెలిపారు. కార్యక్రమంలో  కౌన్సిలర్లు గంట్ల గౌతమ్ రెడ్డి, గంట్ల సుజాత మహిపాల్ రెడ్డి, జాటోతు సురేష్, సత్యవతి యుగంధర్, మెరుగు రాము, నీలా లచ్చిరాం, కాంతమ్మ కరణ్ సింగ్, కుడితి నరసింహ రెడ్డి, గుండగాని సుందర్, రేఖ రమేష్,ఉడుగుల రాజు పవన్ రెడ్డి,కాసారపు రమేష్,వేణు,భిక్షం, రేఖ దర్గయ్య తదితరులు పాల్గొన్నారు.
*శ్రీ లలితా దేవి అలంకరణలో అమ్మవారు
దసరా శరన్నవరాత్రి ఉత్సవాల్లో భాగంగా ఐదవ రోజు దుర్గామాత శ్రీ లలితా దేవీ రూపంలో భక్తులకు దర్శనమిచ్చారు. అర్చకులు పాకాల రఘరామ్ శర్మ, అజయ్ అమ్మవారికి ప్రత్యేక పూజలు, అభిషేకాలు నిర్వహించి ప్రత్యేక ప్రసాదాలు నైవేద్యంగా సమర్పించారు.భవానీ దీక్షపరులు భజనలు చేయగా,భక్తులు భారీగా తరలివచ్చి అమ్మవారి ఆశీస్సులు పొందారు.

రిపోర్టర్, చంద్రశేఖర్, మరిపెడ, మహబూబాద్ జిల్లా.