మండలంలో జడ్పీ చైర్మన్ నాగలక్ష్మి విస్తృత పర్యటన.

దుమ్ముగూడెం,సూర్య, (మేజర్ న్యూస్)::దుమ్ముగూడెం మండలంలో గురువారం జిల్లా పరిషత్ చైర్మన్ నాగలక్ష్మి విస్తృతంగా పర్యటించారు.మండల పరిధిలోని పర్ణశాల, పెద్దనల్లబల్లి,కొత్తూరు, పి.కమలాపురం,రేగుబల్లి, రామారావుపేట,చిన్న బండిరేవు, ములకపాడు, దుమ్ముగూడెం,లక్ష్మీనగరం తదితర గ్రామాల్లో పర్యటించిన నాగలక్ష్మి  ఆసరా పెన్షన్లకు సంబంధించిన 26 మంది లబ్ధిదారుల దరఖాస్తులను క్షేత్రస్థాయిలో ప్రత్యక్షంగా పరిశీలించారు.ఈ సందర్భంగా జడ్పీ చైర్మన్ మాట్లాడుతూ..అర్హులైన ప్రతి ఒక్కరికీ సంక్షేమ పథకాలు అందాలనేదే ప్రభుత్వ ధ్యేయమని తెలిపారు.పెన్షన్ దరఖాస్తుల ప్రక్రియను వేగవంతం చేసి అర్హులకు న్యాయం జరిగేలా చూస్తామని హామీ ఇచ్చారు. పర్యటనలో భాగంగా ఆయా గ్రామాల ప్రజలతో మాట్లాడి వారి సమస్యలను అడిగి తెలుసుకున్నారు.ఈ కార్యక్రమంలో యు డి సి రఘు,పంచాయతీ కార్యదర్శులు, సర్పంచులు తదితరులు పాల్గొన్నారు.