ప్రజలందరిపై అమ్మవారి ఆశీస్సులుండాలి:మాజీ మంత్రి తలసాని

అమీర్‌పేట,మేజర్ న్యూస్:ప్రజలందరిపై అమ్మవారి చల్లని ఆశీస్సులుండాలని మాజీ మంత్రి,సనత్‌నగర్ నియోజకవర్గ ఎమ్మెల్యే తలసాని శ్రీనివాస్ యాదవ్ ఆకాంక్షించారు.దేవీ శరన్నవరాత్రి ఉత్సవాల్లో భాగంగా ఆయన గురువారం అమీర్‌పేట డివిజనులోని పలు ఆలయాలను దర్శించుకుని అమ్మవార్లకు ప్రత్యేక పూజలు నిర్వహించారు.ముందుగా కుమ్మరి బస్తీ లోని హనుమాన్ దేవాలయంలో బాలత్రిపుర సుందరిదేవి అలంకారంలో అమ్మవారిని దర్శించుకున్నారు.అనంతరం కనకదుర్గమ్మ అమ్మవారిని దర్శించుకుని పూజలు జరిపించారు.తదనంతరం బల్కంపేట ఎల్లమ్మ అమ్మవారిని దర్శించుకొని తీర్థప్రసాదాలు,వేదాశీర్వచనాలను స్వీకరించారు. ఈ సందర్భంగా ఎమ్మెల్యే తలసాని శ్రీనివాస్ యాదవ్ మాట్లాడుతూ అమ్మవారి కృపాకటాక్షాలతో ప్రతి ఏడాది అంగరంగ వైభవంగా దేవీ శరన్నవరాత్రి ఉత్సవాలను జరుపుకుంటున్నామని తెలిపారు.తొమ్మిది రోజుల పాటు భక్తులంతా అమ్మవారిని శ్రద్ధాసక్తులతో కొలుస్తూ ఆధ్యాత్మిక వాతావరణాన్ని పెంపొందిస్తున్నారని పేర్కొన్నారు.అమ్మవారి ఆశీస్సులతో ప్రజల్లో శాంతి, సామరస్య వెల్లివిరియాలని ప్రార్థించారు.ఈ కార్యక్రమంలో ఎమ్మెల్యే వెంట మాజీ కార్పొరేటర్ నామన శేషుకుమారి,ఈఓలు వినోద్ రెడ్డి,అంబుజ,జయంతి,ఆలయ చైర్మన్ లు సాయిబాబా గౌడ్,సత్యనారాయణ యాదవ్, మల్లిఖార్జున్,డివిజన్ బిఆర్ఎస్ పార్టీ అధ్యక్షుడు హన్మంతరావు,నాయకులు అశోక్ యాదవ్,నామన సంతోష్ కుమార్,దాడి ప్రవీణ్ రెడ్డి,మధు,శ్రీనివాస్ గౌడ్,బాబా,వేణు గౌడ్,కూతురు నర్సింహ,ఆకుల రాజు,గుడిగే శ్రీనివాస్ యాదవ్,కట్టా బలరాం,గోపీలాల్ చౌహన్,వనం శ్రీనివాస్,హరిసింగ్,బాసా లక్ష్మీ,దుర్గ,రాణికౌర్ తదితరులు ఉన్నారు.