ఆశీస్సులు ప్రజలందరిపై ఉండాలి :సబితా రెడ్డి

శక్తి స్వరూపుని దుర్గాదేవి *దుర్గమ్మ ఆశీస్సులు ప్రజలందరిపై ఉండాలి 

అమ్మవారి పూజలో పాల్గొన్న సబితా ఇంద్రారెడ్డి

. తొమ్మిది రోజులు తొమ్మిది అవతారాలలో పూజలు అందుకుంటున్న దుర్గాదేవి శక్తి స్వరూపిణి అని మాజీ మంత్రి, మహేశ్వరం ఎమ్మెల్యే పి.సబితా ఇంద్రారెడ్డి అన్నారు. జిహెచ్ఎంసి జల్ పల్లి సర్కిల్ పరిధి, శ్రీరామ కాలనీ, జల్ పల్లి గ్రామంలో వివిధ మండపాలలో ప్రతిష్టించిన అమ్మవార్లను దర్శించుకొని, ప్రత్యేక పూజలలో పాల్గొన్నారు. ఈ సందర్భంగా మండపాల నిర్వహకులు సబితా ఇంద్రారెడ్డికి ఘన స్వాగతం పలికి, శాలవాతో ఘనంగా సత్కరించి, అమ్మవారి తీర్థప్రసాదాలు అందజేశారు. జల్ పల్లి డివిజన్ పరిధిలో ప్రతిష్టించిన దుర్గామాత మండపాలు భక్తులతో కిటకిటలాడుతూ ఆధ్యాత్మిక శోభను సంతరించుకుంది. అమ్మవారికి ఎమ్మెల్యే సబితా ఇంద్రారెడ్డి ఎంతో భక్తి భావంతో పూజలు చేశారు. ఈ సందర్భంగా ఎమ్మెల్యే మాట్లాడుతూ. జల్ పల్లి డివిజన్ ప్రజలకు ముందస్తుగా దసరా శుభాకాంక్షలు తెలియజేశారు. భక్తులు ఆదిపరాశక్తి అమ్మవారికి తొమ్మిది అవతారాలలో, తొమ్మిది రోజులు ఎంతో భక్తితో పూజలు నిర్వహిస్తారని అన్నారు. ఆ దుర్గాదేవి అమ్మవారి కృపా కటాక్షాలతో ప్రజలందరూ సుఖ సంతోషాలతో ఉండాలని మనస్ఫూర్తిగా అమ్మవారిని కోరుకున్నారు. ఈ కార్యక్రమంలో జల్ పల్లి నాయకులు, కార్యకర్తలు, మండపాల నిర్వాహకులు, భక్తులు, మహిళలు, పెద్ద సంఖ్యలో పాల్గొన్నారు.                

-అంకం జగన్ : మేజర్ న్యూస్, జల్ పల్లి.