కొమురం భీమ్ కాలనీలో వెలుగులు నింపిన సర్పంచ్ ప్రవీణ్ నాయక్

బయ్యారం, మేజర్ న్యూస్, దాదాపు 60 సంవత్సరాలుగా విద్యుత్ వెలుగులకు నోచుకోక నిరాదరణకు గురైన కొత్తపేట పంచాయతీ పరిధిలోని కొమరం భీమ్ కాలనీలో ఇప్పుడు అభివృద్ధి వెలుగులు వికసించాయి.ఇచ్చిన హామీలను నెరవేరుస్తూ సర్పంచ్ భూక్యా ప్రవీణ్ నాయక్ కాలనీ రూపురేఖలను పూర్తిగా మార్చేశారు.కాలనీ వాసుల చిరకాల వాంఛను నెరవేరుస్తూ కేంద్ర ప్రభుత్వానికి చెందిన 'జ్వాలా' పథకం కింద ప్రత్యేక చొరవ తీసుకుని 14 విద్యుత్ స్తంభాలను ఏర్పాటు చేయించి,వీధిలైట్లను వెలిగించారు. దీంతో దశాబ్దాల చీకట్లు తొలగిపోయి కాలనీ అంతా విద్యుత్ కాంతులతో జిగేల్మంటోంది.కేవలం విద్యుద్దీకరణే కాకుండా,కాలనీలో రవాణా సౌకర్యాలను మెరుగుపరిచేందుకు సర్పంచ్ ప్రత్యేక చర్యలు చేపట్టారు. పంచాయతీ నిధులతో బీటీ రోడ్డును, అలాగే ఎన్ఆర్ఈజిఎస్ నిధులతో సీసీ రోడ్డును నిర్మించి రవాణా కష్టాలను దూరం చేశారు.తాము ఎన్నికల సమయంలో ఇచ్చిన ప్రతి హామీని నిలబెట్టుకుంటూ కాలనీని అభివృద్ధే లక్ష్యంగా ముందుకు తీసుకెళ్తున్న సర్పంచ్ ప్రవీణ్ నాయక్ పనితీరుపై కొమరం భీమ్ కాలనీ వాసులు హర్షం వ్యక్తం చేశారు.ఈ కార్యక్రమంలో ఉపసర్పంచ్ రావి వీరభద్రరావు, 9వ వార్డు సభ్యులు ఈసం స్వరూప, వడ్లమూడి కోటేశ్వరరావు, పెండ్యాల శ్రీనివాసరావు, గ్రామ పెద్దలు మెస్సు రాజేష్, వట్టం వెంకటేష్, మెస్సు సురేష్, దనసరి వీరభద్రం, యూత్ అధ్యక్షులు ఉదయ్, ఈసం రామ్మూర్తి, పుల్లూరు బాలరాజు, వంగురు ఆనంద్, శ్రీనివాస్, సాయి తదితరులు పాల్గొన్నారు.

రిపోర్టర్: స్వామి, బయ్యారం, మహబూబాద్ జిల్లా