BREAKING
నామినేషన్ ప్రక్రియను పరిశీలించిన కలెక్టర్ నాగరాణి నామినేషన్ల స్క్రూట్ ని కేంద్రాన్ని పరిశీలించిన డి.ఎస్.పి దుల్కర్ సల్మాన్ కెరీర్‌లో 'ఆకాశంలో ఒక తార' ఎందుకు అంత ప్రత్యేకం? నవంబర్ 20న బాక్సాఫీస్ బరిలోకి.. గ్రంథాలయంలో చిత్రలేఖన పోటీలు శాఖ గ్రంథాలయంలో కవి సమ్మేళనం పంచాయతీ ఎన్నికల్లో క్లీన్ స్వీప్ చేయాలి - మంత్రి ఆనంకు ఘనమైన కానుక అందిద్దాం ఎంపీపీగా గురువారం అమ్మిశెట్టి శైలజ ప్రమాణస్వీకారం నామినేషన్ కేంద్రాలను పరిశీలించిన ఆర్డీవో పావని మహిళల గౌరవాన్ని కించపరిచే రాతలు మానుకోవాలి జగన్‌కు ఎమ్మెల్యే గళ్ళా మాధవి హితవు భూముల రీ సర్వే ప్రక్రియను పరిశీలించిన ఆత్మకూరు ఆర్డీవో బి.పావని అభివృద్ధికి నోచుకోని ఆత్మకూరు చేనేత కార్మికులు - మౌళిక వసతులు కరువు బెస్తలకు తీరని ఎస్టీ జాబితా కల - అమలుకు నోచుకోని హామీలు బస్ షెల్టర్లు అవసరాలను పట్టించుకోని పాలకులు - అవస్థల్లో ప్రయాణికులు మండల ప్రజా పరిషత్ అధ్యక్ష, ఉపాధ్యక్ష,కోఆప్షన్ సభ్యుని ఎన్నికలు నేడే నూతన కార్పొరేటర్ షేక్ అబ్దుల్ రసూల్‌కు ఘన సన్మానం

మల్లాది డ్రగ్స్ & ఫార్మాస్యూటికల్స్ లిమిటెడ్‌తో విక్రమ సింహపురి విశ్వవిద్యాలయం అవగాహన ఒప్పందం

Select Suryaa Now
మల్లాది డ్రగ్స్ & ఫార్మాస్యూటికల్స్ లిమిటెడ్‌తో విక్రమ సింహపురి విశ్వవిద్యాలయం అవగాహన ఒప్పందం

నెల్లూరు,  మేజర్ న్యూస్ :   విద్యార్థులకు నాణ్యమైన విద్యతో పాటు పరిశ్రమలకు అవసరమైన సాంకేతిక పరిజ్ఞానం, ప్రాయోగిక నైపుణ్యాలను అందించాలనే లక్ష్యంతో విక్రమ సింహపురి విశ్వవిద్యాలయం పరిధిలోని కాలేజ్ ఆఫ్ ఫార్మాస్యూటికల్ సైన్సెస్, కావలి మరియు మల్లాది డ్రగ్స్ & ఫార్మాస్యూటికల్స్ లిమిటెడ్ మధ్య అవగాహన ఒప్పందం (MoU) కుదిరింది.  ఈ ఒప్పందం ద్వారా ఫార్మసీ విద్యార్థులకు ఔషధ పరిశ్రమలో ప్రత్యక్ష అనుభవం కల్పించడం, పారిశ్రామిక శిక్షణ, ఇంటర్న్‌షిప్‌లు, పరిశోధన, నైపుణ్యాభివృద్ధి కార్యక్రమాలను ప్రోత్సహించడం ప్రధాన లక్ష్యంగా నిర్దేశించారు. అదేవిధంగా ఔషధాల తయారీ విధానాలు, నాణ్యత నియంత్రణ (Quality Control), నాణ్యత హామీ (Quality Assurance), గుడ్ మాన్యుఫ్యాక్చరింగ్ ప్రాక్టీసెస్ (GMP), ఔషధ విశ్లేషణ పద్ధతులపై విద్యార్థులకు అవగాహన కల్పించనున్నారు.  ఈ సందర్భంగా విశ్వవిద్యాలయ ఉపకులపతి ఆచార్య అల్లం శ్రీనివాసరావు మాట్లాడుతూ, విద్యార్థులకు తరగతి గది బోధనతో పాటు పరిశ్రమలలో ప్రత్యక్ష అనుభవం ఎంతో అవసరమని పేర్కొన్నారు. విద్యాసంస్థలు, పరిశ్రమల మధ్య సమన్వయం పెంపొందించడం ద్వారా విద్యార్థులకు నాణ్యమైన విద్యతో పాటు మెరుగైన ఉపాధి అవకాశాలు లభిస్తాయని తెలిపారు. ఈ అవగాహన ఒప్పందం ఫార్మసీ విద్యార్థులకు ఔషధ పరిశ్రమలోని ఆధునిక తయారీ విధానాలు, నాణ్యత నియంత్రణ, పరిశోధన, సాంకేతిక పరిజ్ఞానంపై ప్రాయోగిక అవగాహన పెంపొందించేందుకు దోహదపడుతుందని అన్నారు. పరిశ్రమల అవసరాలకు అనుగుణంగా విద్యార్థుల్లో నైపుణ్యాలను అభివృద్ధి చేయడమే విశ్వవిద్యాలయ లక్ష్యమని స్పష్టం చేశారు.

అనంతరం విశ్వవిద్యాలయ రిజిస్ట్రార్ ఆచార్య కె. సునీత మాట్లాడుతూ, విద్యార్థులకు నాణ్యమైన విద్యతో పాటు పరిశ్రమలకు అవసరమైన నైపుణ్యాలను అందించడంలో ఇలాంటి అవగాహన ఒప్పందాలు కీలక పాత్ర పోషిస్తాయని పేర్కొన్నారు. విద్యార్థులు తమ విద్యాభ్యాస సమయంలోనే ఔషధ పరిశ్రమల పనితీరు, ఆధునిక సాంకేతిక పరిజ్ఞానం, నాణ్యత ప్రమాణాలపై అవగాహన పెంపొందించుకోవడానికి ఈ ఒప్పందం ఎంతగానో ఉపయోగపడుతుందని తెలిపారు. పరిశ్రమలతో విశ్వవిద్యాలయం అనుసంధానం పెరగడం ద్వారా విద్యార్థులకు ఇంటర్న్‌షిప్‌లు, పారిశ్రామిక శిక్షణ, పరిశోధన, ఉపాధి అవకాశాలు మెరుగుపడతాయని అన్నారు. విద్యార్థులను విద్యాపరంగానే కాకుండా వృత్తిపరంగా కూడా సమర్థులుగా తీర్చిదిద్దేందుకు విశ్వవిద్యాలయం నిరంతరం కృషి చేస్తుందని వెల్లడించారు.  మల్లాది డ్రగ్స్ & ఫార్మాస్యూటికల్స్ లిమిటెడ్ జనరల్ మేనేజర్ – క్వాలిటీ అస్యూరెన్స్ డా. ఎ. నారాయణ మాట్లాడుతూ, విద్యార్థులకు పరిశ్రమల అవసరాలకు అనుగుణంగా సాంకేతిక పరిజ్ఞానం, వృత్తి నైపుణ్యాలను అందించడం ఎంతో ముఖ్యమని పేర్కొన్నారు. ఫార్మసీ విద్యార్థులు ఔషధ తయారీ ప్రక్రియలు, నాణ్యత నియంత్రణ, నాణ్యత హామీ, ఔషధ విశ్లేషణ వంటి అంశాలపై ప్రాయోగిక అవగాహన పెంపొందించుకోవాలని సూచించారు. విశ్వవిద్యాలయంతో కుదిరిన ఈ ఒప్పందం ద్వారా విద్యార్థులకు పారిశ్రామిక శిక్షణ, ఇంటర్న్‌షిప్‌లు, పరిశ్రమ నిపుణులతో ముఖాముఖి కార్యక్రమాలకు అవకాశాలు కల్పించనున్నట్లు తెలిపారు. విద్యార్థుల్లో వృత్తి నైపుణ్యాలను పెంపొందించి, ఔషధ పరిశ్రమలో రాణించేలా తమ సంస్థ తరఫున సహకారం అందిస్తామని వెల్లడించారు.  ఈ ఒప్పంద కార్యక్రమంలో విశ్వవిద్యాలయ కళాశాల ప్రిన్సిపాల్ ఆచార్య టి. వీరారెడ్డి, కాలేజ్ ఆఫ్ ఫార్మాస్యూటికల్ సైన్సెస్ డైరెక్టర్ వేములూరి. శైలజ  ప్రిన్సిపాల్ ఇన్‌ఛార్జ్ డాక్టర్ కె. నిత్యానందన్, కెమిస్ట్రీ విభాగాధిపతి ఆచార్య టి. త్రివేణి, అధ్యాపకులు పాల్గొన్నారు. ఈ అవగాహన ఒప్పందం ద్వారా విశ్వవిద్యాలయం మరియు ఔషధ పరిశ్రమ మధ్య అనుసంధానం మరింత బలోపేతం కావడంతో పాటు ఫార్మసీ విద్యార్థులకు విద్యా, పరిశోధన, పారిశ్రామిక రంగాల్లో నూతన అవకాశాలు అందుబాటులోకి రానున్నాయి.