మహిళా వర్సిటీకి ద్వితీయ బహుమతి
ఎడ్యుకేషన్ స్టాఫ్ రిపోర్టర్ : పద్మావతి మహిళా విశ్వవిద్యాలయం, బయోసైన్సెస్, సెరికల్చర్ విభాగం విద్యార్థులు అన్వేషన్-2026 విద్యార్థుల పరిశోధనా సదస్సులో విశేష ప్రతిభ కనబరిచి బేసిక్ సైన్సెస్ విభాగంలో ద్వితీయ బహుమతి సాధించి వర్సిటీకి కీర్తి ప్రతిష్ఠలు తీసుకొచ్చారు.ఈ పరిశోధనా సదస్సు ఉస్మానియా విశ్వవిద్యాలయంలో నిర్వహించబడింది. ఈ పోటీలలో కుమారి ఐశ్వర్య, కుమారి ప్రసల్య, కుమారి పూజ, కుమారి ఎస్.కె.రజీఫ్ తమ వినూత్న పరిశోధనా ఆవిష్కరణ "బయోడిగ్రేడబుల్ మల్టీఫంక్షనల్ మల్చ్" కు ద్వితీయ బహుమతి సాధించారు.ఈ ఆవిష్కరణ పర్యావరణహిత వ్యవసాయ పరిష్కారంగా రైతులకు ఎంతో ఉపయోగకరం. నేలలో తేమను కాపాడటం, కలుపు మొక్కల పెరుగుదలను నియంత్రించడం, నేల ఉష్ణోగ్రతను సమతుల్యం చేయడం సాంప్రదాయ ప్లాస్టిక్ మల్చ్ వినియోగాన్ని తగ్గించడం ద్వారా స్థిరమైన వ్యవసాయ పద్ధతులను ప్రోత్సహిస్తుంది. ప్లాస్టిక్ వ్యర్థాల వల్ల కలిగే పర్యావరణ సమస్యలను తగ్గించడంలో తోడ్పడుతుంది. ఈ సందర్భంగా విశ్వవిద్యాలయ వైస్ ఛాన్సలర్ ప్రొఫెసర్ ఉమా, రిజిస్ట్రార్ ప్రొఫెసర్ ఉష, రీసెర్చ్ అండ్ డెవలప్మెంట్ డైరెక్టర్ ప్రొఫెసర్ వాణి, అన్వేషణ-26 యూనివర్సిటీ లెవల్ కోఆర్డినేటర్లు ప్రొఫెసర్ జాన్ సుష్మా, డా. ఇందిర, సెరికల్చర్ అధ్యాపకులు విద్యార్థులను అభినందించారు.
సీఎం గౌడ్ తిరుపతి స్టాఫ్ రిపోర్టర్