BREAKING
సేవా దృక్పథం చాటుకున్న ఎస్ఎఫ్ఐ నాయకులు.. రాప్తాడు ఘటన బాధితురాలి కుటుంబానికి రూ.50 వేల ఆర్థిక సహాయం ఉపాధ్యాయుడు నిరంతర విద్యార్థిగా ఉండాలి: డీఈఓ డాక్టర్ షేక్ సలీం భాష నూతన సర్పంచులకు అభినందనలు తెలిపిన ఎమ్మెల్యే ఏలూరి సాంబశివరావు లీగల్ ఎయిడ్ డిఫెన్స్ కౌన్సిల్ విధులు పై రివ్యూ మీటింగ్:" బీజేపీ నుంచి కాంగ్రెస్‌లోకి కమలాకర్ రెడ్డి ఐదేళ్లలోపు పిల్లలందరికీ పోలియో చుక్కలు వేయించాలి – బోరేగావ్ సర్పంచ్ నగేందర్ పాటిల్ పీహెచ్‌డీ వైవా విజయవంతంగా పూర్తి చేసిన తిరుమల రూపేష్ భక్తిపారవశ్యంలో కోటి దీపోత్సవం.. ఆధ్యాత్మిక శోభతో ఆలయ ప్రాంగణం మిలటరీ గ్రామం లోని జిల్లా పరిషత్ హై స్కూల్ నందు “సురక్షిత్ బచ్పన్ అభియాన్” పై అవగాహన సదస్సు" కూటమి బలపరిచిన కోవూరు సర్పంచి అభ్యర్థిగా వల్లెపు సునీల్ బాబు పంటపాలెం పారిశ్రామిక ప్రాంతంలో 132 కేవీ సబ్‌స్టేషన్ ఏర్పాటుకు ప్రతిపాదన చేయాలని ఎస్‌ఈని కోరిన పారిశ్రామిక వినియోగదారులు బీజేపీ నుంచి కాంగ్రెస్‌లోకి కమలాకర్ రెడ్డి ఎన్నికల అధికారులకు శిక్షణ..! జన సందోహం మధ్య... సర్పంచ్ అభ్యర్థిగా ఆలపాక నామినేషన్ సౌత్ మోపూర్ సర్పంచ్ బరిలో బండి అంకమ్మ

కూటమి బలపరిచిన కోవూరు సర్పంచి అభ్యర్థిగా వల్లెపు సునీల్ బాబు

Select Suryaa Now
కూటమి బలపరిచిన కోవూరు సర్పంచి అభ్యర్థిగా వల్లెపు సునీల్ బాబు

నెల్లూరు,  మేజర్ న్యూస్ :   కోవూరు పంచాయతీని అన్ని రంగాల్లో అభివృద్ధి చేయడమే తమ లక్ష్యమని కోవూరు శాసనసభ్యులు శ్రీమతి వేమిరెడ్డి ప్రశాంతి రెడ్డి గారు స్పష్టం చేశారు. కోవూరు భవిష్యత్తు, ప్రజల అవసరాలు, పంచాయతీ సమగ్ర అభివృద్ధిని దృష్టిలో పెట్టుకొని ముందుకు సాగుతున్నామని తెలిపారు. స్థానిక సంస్థల ఎన్నికల నేపథ్యంలో శనివారం నెల్లూరులోని వీపీఆర్ కార్యాలయంలో కోవూరు పంచాయతీ నాయకులతో ఎమ్మెల్యే ప్రశాంతి రెడ్డి గారు సమావేశం నిర్వహించారు. ఈ సందర్భంగా కోవూరు పంచాయతీ సర్పంచి అభ్యర్థిగా వల్లెపు సునీల్ బాబును కూటమి తరఫున బలపరుస్తున్నట్లు ప్రకటించారు. ఉన్నత విద్యావంతుడిగా, సమాజానికి సేవ చేయాలన్న సంకల్పంతో ముందుకు సాగుతున్న వల్లెపు సునీల్ బాబుకు సర్పంచిగా పనిచేసేందుకు అన్ని అర్హతలు ఉన్నాయని పేర్కొన్నారు. కోవూరు అభివృద్ధిని కాంక్షిస్తూ తీసుకున్న ఈ నిర్ణయానికి కూటమి పార్టీల నాయకులు, కార్యకర్తలందరూ సంపూర్ణ మద్దతు తెలియజేయాలని కోరారు. సునీల్ బాబు విజయాన్ని ప్రతి ఒక్కరూ తమ బాధ్యతగా భావించి సమన్వయంతో పనిచేయాలని పిలుపునిచ్చారు.

సర్పంచి అభ్యర్థితో పాటు 20 వార్డుల్లో కూటమి బలపరిచిన అభ్యర్థులందరినీ గెలిపించుకునేందుకు నాయకులు, కార్యకర్తలు కలిసికట్టుగా కృషి చేయాలని ఎమ్మెల్యే ప్రశాంతి రెడ్డి గారు సూచించారు. పార్టీల మధ్య సమన్వయం, ఐక్యతతో ముందుకు సాగుతూ కోవూరు పంచాయతీలో కూటమి విజయానికి బాటలు వేయాలన్నారు. వ్యక్తిగత ప్రయోజనాల కంటే కోవూరు అభివృద్ధి, ప్రజల సంక్షేమానికే ప్రాధాన్యతనిస్తూ ఈ నిర్ణయం తీసుకున్నట్లు స్పష్టం చేశారు.

రానున్న రోజుల్లో కోవూరును మున్సిపాలిటీగా అభివృద్ధి చేసి తీరుతామని ఎమ్మెల్యే ప్రశాంతి రెడ్డి గారు తెలిపారు. పంచాయతీగా కోవూరుకు ఇవే చివరి ఎన్నికలు అవుతాయన్నారు. మెరుగైన మౌలిక సదుపాయాలు, ప్రణాళికాబద్ధమైన అభివృద్ధి అందించాలన్న లక్ష్యంతో తాము పనిచేస్తున్నామని... ఈ లక్ష్య సాధనలో అందరూ భాగస్వాములు కావాలన్నారు.