కందుకూరు గ్రామ సర్పంచ్ అభ్యర్థిగా సి నాగమణి నామినేషన్
అనంతపురం రూరల్ మేజర్ న్యూస్ : అనంతపురం రూరల్ మండలం కందుకూరు గ్రామ సర్పంచ్ అభ్యర్థిగా వైసిపి, సిపిఐ, సిపిఎం బలపరిచిన అభ్యర్థి సి. నాగమణి మంగళవారం నామినేషన్ దాఖలు చేశారు. తొలుత కందుకూరు గ్రామం నుంచి వైసిపి, సిపిఐ నాయకులతో కలిసి ర్యాలీగా వెళ్లి.. ఆకుతోటపల్లి గ్రామంలోని.. నామినేషన్ కేంద్రంలో ఎన్నికల అధికారులకు నామినేషన్ పత్రాన్ని అందజేశారు. నామినేషన్ అనంతరం ఆమె మాట్లాడుతూ కందుకూరు గ్రామ ప్రజలు ఆశీర్వదించి తనను సర్పంచ్ గా గెలిపిస్తే.. గ్రామాభివృద్ధి కోసం కృషి చేస్తానని తెలిపారు. గ్రామంలో మౌలిక సదుపాయాల కల్పన, పంచాయతీ నిధులతో గ్రామంలో అభివృద్ధి పనులను చేపడతామని తెలిపారు. ఈ కార్యక్రమంలో వైసిపి, సిపిఐ నాయకులు పాల్గొన్నారు.