అయ్యప్ప దేవస్థానంలో ఘనంగా ప్రారంభమైన మండల పూజలు
నెల్లూరు కల్చరల్ మేజర్ న్యూస్ :
నెల్లూరు వేదాయపాలెం వేద శాస్త్ర అయ్యప్ప స్వామి దేవస్థానంలో మంగళవారం కేరళ సాంప్రదాయ కార్తీకమాస మండల పూజలు భక్తిశ్రద్ధలతో ప్రారంభమయ్యాయి. తొలుత ఉదయం అయ్యప్ప స్వామికి పాలాభిషేకం, గణపతి హోమం, ఉష పూజ, శ్రీ ఫెయిలై ఉత్సవం, కలశపూజ, నవకాభిషేకం ఉత్సవం నిర్వహించారు. సాయంత్రం మహాదీపారాధన, భగవతి సేవ, పడిపూజ, అత్తల పూజ, శ్రీ వేలి ఉత్సవం, పడి కర్పూరం, హరిహరాసనం కార్యక్రమాలు శాస్త్రోక్తంగా జరిగాయి.
ఆలయ చైర్మన్ గూడాల శేషగిరిరావు, కార్యదర్శి, కోశాధికారి గడ్డం రత్తయ్య పర్యవేక్షణలో ఈ వేడుకలు జరిగాయి. మండల పూజలకు ఊటుకూరు శ్రీనివాస్ రెడ్డి, శైలజ దంపతులు, ఊటుకూరు సత్యనారాయణరెడ్డి, మాలిని దంపతులు ఉభయకర్తలుగా వ్యవహరించారు. పడిపూజకు కాటంరెడ్డి మహిధర్ రెడ్డి, జ్యోతి దంపతులు సేవలు అందించారు.
అన్నదాన కార్యక్రమానికి లలిత జువెలరీస్ అధినేత కిరణ్ కుమార్ జైన్, కారంపూడి నాగరాజా, నీరజ దంపతులు, వెంకటేశ్వర్లు, పద్మ దంపతులు, సునీల్ రెడ్డి, భారతి దంపతులు, మురళీకృష్ణ గ్రూప్ ఆఫ్ హోటల్స్ అధినేతలు సుబ్బారావు, సత్యలక్ష్మి దంపతులు, మురళీకృష్ణ, సరిత దంపతులు ఉభయకర్తలుగా వ్యవహరించారు. ఈ కార్యక్రమంలో విజయకుమార్, ముగ్గుల మురళీమోహన్ రెడ్డి, పావల్ల ప్రసాద్, పసుపులేటి అశోక్ చంద్ర, పలువురు అయ్యప్పలు, భక్తులు పెద్ద సంఖ్యలో పాల్గొన్నారు.