కంబదూరులో యువకుడి ఆత్మహత్య జనసేన నాయకుడు భీమ రాయుడు కుమారుడు మృతి.. కుటుంబంలో విషాదం

కళ్యాణదుర్గం ఇన్చార్జ్ : మండల కేంద్రం కంబదూరులో విషాద ఘటన చోటుచేసుకుంది. భరత్ అనే యువకుడు తన సొంత ఇంటి రెండో అంతస్తులో ఉరివేసుకుని ఆత్మహత్యకు పాల్పడ్డాడు. శనివారం రాత్రి ఈ ఘటన జరిగినట్లు సమాచారం.

యువకుడు మృతి చెందిన విషయాన్ని గమనించిన కుటుంబ సభ్యులు, గ్రామస్తులు, స్నేహితులు తీవ్ర దిగ్భ్రాంతికి గురయ్యారు. అల్లారుముద్దుగా పెంచుకున్న కుమారుడు మృతి చెందడంతో కుటుంబ సభ్యులు శోకసముద్రంలో మునిగిపోయారు. భరత్ మృతితో గ్రామంలో విషాద ఛాయలు అలుముకున్నాయి.

మృతుడు భరత్ తండ్రి భీమ రాయుడు కంబదూరు మండల జనసేన నాయకుడిగా ఉన్నారు. అయితే భరత్ ఆత్మహత్యకు గల కారణాలు ఇంకా పూర్తిగా తెలియరాలేదు. ఈ ఘటనకు సంబంధించి మరిన్ని వివరాలు తెలియాల్సి ఉంది.

రిపోర్టర్ : సుధా మోహన్, కళ్యాణదుర్గం ఇన్చార్జ్, కళ్యాణదుర్గం.