కంబదూరు వైసీపీ సీనియర్ నాయకుడు నారప్ప మృతి పట్ల తలారి రంగయ్య సంతాపం

కంబదూరు (కళ్యాణదుర్గం ఇంచార్జ్, మేజర్ న్యూస్) : కంబదూరు మండల కేంద్రానికి చెందిన వైసీపీ సీనియర్ నాయకులు నారప్ప అనారోగ్యంతో మృతి చెందారు. ఆయన మరణవార్త పట్ల మాజీ పార్లమెంట్ సభ్యులు, కళ్యాణదుర్గం నియోజకవర్గ సమన్వయకర్త తలారి రంగయ్య తీవ్ర దిగ్భ్రాంతిని, సంతాపాన్ని వ్యక్తం చేశారు.

విషయం తెలిసిన వెంటనే కంబదూరులోని నారప్ప  నివాసానికి చేరుకున్న తలారి రంగయ్య.. ఆయన భౌతికకాయానికి పూలమాలలు వేసి నివాళులర్పించారు. వైఎస్ఆర్ కాంగ్రెస్ పార్టీ ఆవిర్భావం నుండి నారప్ప పార్టీ బలోపేతానికి చేసిన కృషిని, ఆయన అందించిన సేవలను ఈ సందర్భంగా రంగయ్య గుర్తుచేసుకున్నారు. నారప్ప మరణం పార్టీకి తీరని లోటని ఆయన పేర్కొన్నారు.

అనంతరం, నారప్ప కుటుంబ సభ్యులను తలారి రంగయ్య పరామర్శించి, వారిని ఓదార్చారు. నారప్ప కుటుంబానికి పార్టీ ఎల్లప్పుడూ అండగా ఉంటుందని, ఏ కష్టం వచ్చినా తోడుంటామని భరోసా ఇచ్చారు. నారప్ప ఆత్మకు శాంతి చేకూరాలని, ఆయన కుటుంబ సభ్యులకు భగవంతుడు ధైర్యాన్ని ప్రసాదించాలని ప్రార్థించారు.

ఈ కార్యక్రమంలో స్థానిక వైసీపీ నాయకులు, మాజీ ప్రజాప్రతినిధులు, కార్యకర్తలు మరియు అభిమానులు పాల్గొని నారప్ప కి నివాళులర్పించారు.

రిపోర్టర్ : సుధా మోహన్, కళ్యాణదుర్గం ఇన్చార్జ్, కళ్యాణదుర్గం.