క్లస్టర్ కేంద్రాలకు ఎన్నికల సామగ్రి పంపిణీ
నేటి దినపత్రిక సూర్య బ్యూరో రాజమహేంద్రవరంమండలంలో గ్రామపంచాయతీ ఎన్నికల నామినేషన్ల స్వీకరణకు అధికారులు ఏర్పాట్లు పూర్తి చేశారు.ఈ నెల 18 నుంచి 20వ తేదీ వరకు ఉదయం 10 నుంచి సాయంత్రం 5 గంటల వరకు నామినేషన్లు స్వీకరించనున్నారు.అభ్యర్థులు తమ గ్రామపంచాయతీ పరిధిలోని క్లస్టర్ కేంద్రంలో సర్పంచి,వార్డు సభ్యుల పదవులకు నామినేషన్లు దాఖలు చేయాలి.ఇందుకు అవసరమైన ఎన్నికల సామగ్రిని అధికారులు పంపిణీ చేశారు.ఈ నెల 21న నామినేషన్ల పరిశీలన,22న అప్పీళ్ల స్వీకరణ,23న పరిష్కారం చేపడతారు.24వ తేదీ మధ్యాహ్నం 3 గంటల వరకు నామినేషన్ల ఉపసంహరణకు గడువు ఉంది.అనంతరం తుది అభ్యర్థుల జాబితా ప్రకటిస్తారు.29న ఉదయం 7నుంచి మధ్యాహ్నం ఒంటి గంట వరకు పోలింగ్ నిర్వహించి,అదే రోజు మధ్యాహ్నం 2గంటల నుంచి ఓట్ల లెక్కింపు చేపట్టి ఫలితాలు వెల్లడిస్తారు.అవసరమైతే 30న రీపోలింగ్ నిర్వహిస్తారు.అభ్యర్థులు నామినేషన్ సమయంలో కుల ధ్రువీకరణ పత్రం,ఆస్తులు,అప్పులు,విద్యార్హతలు,క్రిమినల్ కేసులకు సంబంధించిన డిక్లరేషన్లతో పాటు అవసరమైన పత్రాలు సమర్పించాలని అధికారులు సూచించారు.ఎన్నికల ప్రక్రియను ప్రశాంతంగా,పారదర్శకంగా నిర్వహించేందుకు అన్ని ఏర్పాట్లు చేసినట్లు తెలిపారు.