కర్నూలు స్టేడియంలో ఫుట్బాల్ గ్రౌండ్ ను ప్రారంభించిన మంత్రి టీజీ భరత్ గుప్త
*కర్నూలు స్టేడియంలో ఫుట్బాల్ గ్రౌండ్ ను ప్రారంభించిన మంత్రి టీజీ భరత్ గుప్త*
*కర్నూలును స్పోర్ట్స్ హబ్గా అభివృద్ధి చేయడమే లక్ష్యం*
*స్టేడియంలో రూ.3.50 కోట్లతో అభివృద్ధి పనులు చేశాం*
*పరిశ్రమలు వాణిజ్యం మరియు ఫుడ్ ప్రాసెసింగ్ శాఖ మంత్రి టీజీ భరత్ గుప్త*
కర్నూలు, సెప్టెంబర్ 30 :-కర్నూలు స్టేడియం అభివృద్ధికి రూ 3.50 కోట్లతో పనులు చేశామని,కర్నూలులో క్రీడల అభివృద్ధికి ఎల్లవేళలా కృషి చేస్తామని మంత్రి టీజీ భరత్ గుప్త ఫుట్బాల్ స్టేడియం ప్రారంభోత్సవ సమావేశంలో పేర్కొన్నారు.
ఈ సమావేశాన్ని ఉద్దేశించి మంత్రి మాట్లాడుతూ...3 కోట్ల 50 లక్షల రూపాయలతో స్టేడియం లో అభివృద్ధి పనులు చేశామని , ఇంకా కొన్ని పనులు జరుగుతూ ఉన్నవి అని మంత్రి తెలిపారు.
క్రీడాకారులకు ఎలాంటి ఇబ్బందులు లేకుండా ప్రపంచస్థాయి సౌకర్యాలు కల్పిస్తున్నామని,
క్రీడాకారుల కోసం వాలీబాల్, పికిల్బాల్, ఫుట్బాల్, కబడ్డీ కోర్టుల అభివృద్ధి.వరల్డ్ క్లాస్ ఫెసిలిటీస్తో మరియు సింథటిక్ వాకింగ్ ట్రాక్ ఏర్పాటు.క్రీడాకారులకు మెరుగైన మౌలిక వసతులు కల్పించడంపై ప్రత్యేక దృష్టి పెట్టామని మంత్రి తెలియజేశారు. కర్నూలులో అన్ని క్రీడల అభివృద్ధికి టీజీవీ కుటుంబం మొదటి నుండి అన్ని సహాయ సహకారాలు అందిస్తూ ఉన్నదని మంత్రి తెలియజేశారు.
స్పోర్ట్స్ హాస్టల్ ఇక్కడి నుండి వెళ్లకుండా ఆపామని ,జిమ్ సెంటర్ సమస్యలు తీర్చామని తెలిపారు.ఇక్కడ ఉన్న సమస్యలన్నింటినీ పరిష్కరిస్తూ ఉన్నామని, అపహాలకు పోరాదని విజ్ఞప్తి చేశారు. వినాయక నిమజ్జనానికి అన్ని అడ్డంకులు తొలగించి ఘనంగా కార్యక్రమాన్ని జరిపించామని తెలియజేశారు.
ఇటువంటిఅభివృద్ధి కార్యక్రమాలను ప్రతి ఒక్కరికీ తెలిసేలా సోషల్ మీడియాను విస్తృతంగా వినియోగించాలని మంత్రి టీజీ భరత్ గుప్త మీడియా ప్రతినిధులకు సూచించారు.
అనంతరం మంత్రి ఆకుపచ్చని ఫుట్బాల్ స్టేడియం లో క్రీడాకారులను పరిచయం చేసుకొని ఎగ్జిబిషన్ మ్యాచ్ ను గోల్ కొట్టి ప్రారంభించారు.
ఈ ప్రారంభోత్సవ కార్యక్రమానికి మున్సిపల్ కమిషనర్ చల్లా ఓబులేసు , డిఎస్ డి వో భూపతి రావు , చైర్మన్ రాజశేఖర్ , జిల్లా ఒలంపిక్ సంఘ అధ్యక్షుడు రామాంజనేయులు, శ్రీకాంత్ సుధీర్, క్రీడల కోచ్ లు , క్రీడా సంఘాల అధ్యక్షులు ,క్రీడాకారులు పాల్గొన్నారు.
