కపిలతీర్థంలో వైభవంగా శ్రీ సుబ్రహ్మణ్యస్వామివారి హోమం ప్రారంభం
కపిలతీర్థంలో వైభవంగా శ్రీ సుబ్రహ్మణ్యస్వామివారి హోమం ప్రారంభం
*కార్తీక మాస హోమ మహోత్సవాల్లో భాగంగా విశేష పూజలు, హోమాలు
తిరుపతి బ్యూరో,మేజర్ న్యూస్ : తిరుపతిలోని శ్రీ కపిలేశ్వరస్వామివారి ఆలయంలో నెల రోజుల పాటు నిర్వహిస్తున్న కార్తీక మాస హోమ మహోత్సవాల్లో భాగంగా గురువారం శ్రీ సుబ్రహ్మణ్యస్వామివారి హోమం భక్తిశ్రద్ధలతో ప్రారంభమైంది.
ఈ సందర్భంగా ఉదయం 9 గంటల నుంచి మధ్యాహ్నం 12 గంటల వరకు యాగశాలలో విశేష పూజలు, హోమం, లఘుపూర్ణాహుతి, నివేదన, హారతి నిర్వహించారు. సాయంత్రం 6 నుంచి 8 గంటల వరకు హోమం, సహస్రనామార్చన, విశేష దీపారాధన నిర్వహించనున్నారు. శుక్రవారం కూడా హోమం కొనసాగనుంది.
గృహస్తులు రూ.500 చెల్లించి ఒకరోజు హోమంలో పాల్గొనవచ్చు. పాల్గొనే వారికి ఒక ఉత్తరీయం, ఒక రవికెతో పాటు అన్నప్రసాదం అందజేస్తారు.
ఈ కార్యక్రమంలో ఆలయ డిప్యూటీ ఈవో నాగరత్న, ఏఈవో కుమారి దేవి, సూపరింటెండెంట్ చంద్రశేఖర్, ఆలయ అర్చకులు, అధికారులు, విశేష సంఖ్యలో భక్తులు పాల్గొన్నారు.
Raaju బ్యూరో, తిరుపతి జిల్లా,
