కలెక్టర్ పేరుతో నకిలీ వాట్సాప్ సందేశాలు: ప్రజలు అప్రమత్తంగా ఉండాలి

అనకాపల్లి జిల్లా కలెక్టర్ విజయ కృష్ణన్ పేరుతో గత రెండు రోజులుగా వాట్సాప్‌లో సాగుతున్న అసత్య ప్రచారాలను, తప్పుడు వార్తలను ఎవరూ నమ్మవద్దని జిల్లా సమాచార పౌర సంబంధాల కార్యాలయం (I&PR) స్పష్టం చేసింది. ఈ మేరకు శనివారం ఒక అధికారిక ప్రకటన విడుదల చేసింది.
​గుర్తుతెలియని వ్యక్తులు నకిలీ ఫోన్ నంబర్ల ద్వారా కలెక్టర్ పేరుతో వాట్సాప్ సందేశాలు పంపుతూ ప్రజలను, అధికారులను అయోమయానికి గురిచేస్తున్నట్లు యంత్రాంగం గుర్తించింది. ఈ తరహా అనుమానాస్పద సందేశాలు, కాల్స్ పట్ల అధికారులు, సాధారణ పౌరులు అత్యంత అప్రమత్తంగా ఉండాలని అధికారులు సూచించారు.
​వాట్సాప్ లేదా ఇతర సామాజిక మాధ్యమాల్లో వచ్చే ఇలాంటి అసత్య ప్రచారాలను ఏమాత్రం విశ్వసించవద్దని, వాటిని ఇతరులకు ఫార్వర్డ్ చేయవద్దని హెచ్చరించారు. నకిలీ సందేశాలు పంపే వారిపై చట్టపరమైన కఠిన చర్యలు తీసుకుంటామని స్పష్టం చేశారు.