సూర్య కథనంతో వెలుగులు నింపుకున్న అంగడి చౌరస్తా..!

శామీర్‌పేట, మేజర్ న్యూస్: మూడు చింతలపల్లి మున్సిపల్ కేంద్రంలోని అంగడి చౌరస్తాలో నెలకొన్న చిమ్మటి చీకటిపై సూర్య దినపత్రికలో ప్రచురితమైన కథనానికి మున్సిపల్ అధికారులు స్పందించారు. శనివారం ‘చిమ్మటి చీకట్లో మూడు చింతలపల్లి అంగడి చౌరస్తా’ అనే శీర్షికతో వెలువడిన వార్త అధికారుల్లో కదలిక తెచ్చింది. కథనం ప్రచురితమైన వెంటనే మున్సిపల్ సిబ్బంది స్పందించి చౌరస్తా వద్ద లైట్లు ఏర్పాటు చేశారు. దీంతో రాత్రివేళల్లో చీకటితో ఇబ్బందులు పడుతున్న ప్రజలు, వాహనదారులకు ఊరట లభించింది. ప్రజా సమస్యను వెలుగులోకి తీసుకురాగానే అధికారులు తక్షణ చర్యలు చేపట్టడంపై స్థానికులు హర్షం వ్యక్తం చేశారు. ప్రజా సమస్యల పరిష్కారంలో పత్రికల పాత్రకు ఈ ఘటన నిదర్శనంగా నిలిచింది.

రిపోర్టర్: తాటికొండ రవి గౌడ్, ఉమ్మడి షామీర్పేట్, మేడ్చల్ జిల్లా.