కావలి.. 12వ వార్డులో మునగా మురళి విస్తృత ప్రచారం.
కావలి, మేజర్ న్యూస్ : కావలి మున్సిపాలిటీ పరిధిలోని 12వ వార్డులో ఎన్నికల ప్రచారం తారాస్థాయికి చేరింది. 12వ వార్డు కౌన్సిలర్ అభ్యర్థి మునగా మురళి ఆధ్వర్యంలో వార్డులో ఇంటింటికీ తిరుగుతూ విస్తృతంగా ఎన్నికల ప్రచారం నిర్వహించారు. ఈ ప్రచార కార్యక్రమానికి వార్డు ప్రజల నుంచి అనూహ్య స్పందన లభించింది. ముఖ్యంగా స్థానిక మహిళలు పెద్ద ఎత్తున స్వచ్ఛందంగా తరలివచ్చి మునగా మురళికి హారతులు పడుతూ, బ్రహ్మరథం పట్టడం ప్రచారంలో ప్రత్యేక విశేషంగా నిలిచింది. ప్రచారంలో భాగంగా వార్డులోని ప్రతి గడపకూ వెళ్లి ఓటర్లను ఆప్యాయంగా పలకరిస్తూ, స్థానిక సమస్యలను అడిగి తెలుసుకున్నారు. ఈ సందర్భంగా కౌన్సిలర్ అభ్యర్థి మునగా మురళి మాట్లాడుతూ, కావలి ఎమ్మెల్యే కావ్య కృష్ణారెడ్డి నియోజకవర్గానికి చేసిన అభివృద్ధి, సంక్షేమ కార్యక్రమాలను ప్రజలు ఎన్నటికీ మర్చిపోలేరని అన్నారు. కావలి పట్టణాన్ని అన్ని రంగాల్లో అగ్రగామిగా నిలిపేందుకు ఎమ్మెల్యే నిరంతరం ప్రత్యేక కృషి చేస్తున్నారని కొనియాడారు. ఆయన బాటలోనే నడుస్తూ, 12వ వార్డులో మౌలిక సదుపాయాల కల్పనతో పాటు దీర్ఘకాలిక సమస్యలను పరిష్కరించి, వార్డును అన్ని విధాలా ఒక ఆదర్శ వార్డుగా తీర్చిదిద్దుతామని ఆయన స్పష్టమైన హామీ ఇచ్చారు. తాను ఎల్లప్పుడూ వార్డు ప్రజలకు అందుబాటులో ఉంటూ సేవ చేస్తానని, రానున్న మున్సిపల్ ఎన్నికల్లో తనకు ఓటు వేసి అత్యధిక మెజారిటీతో గెలిపించాలని మునగా మురళి ఓటర్లను అభ్యర్థించారు. ఈ ప్రచార కార్యక్రమంలో 12వ వార్డు నాయకులు, కార్యకర్తలు, మహిళలు, యువకులు మరియు వార్డు ప్రజలు పెద్ద సంఖ్యలో పాల్గొని మురళికి తమ సంపూర్ణ మద్దతు ప్రకటించారు.