కార్పొరేషన్ లో గెలుపే లక్ష్యం కావాలి -తిరుపతిలో బిజెపికి పట్టు బిగించే వ్యూహం నార్త్ మండలంలో బలప్రదర్శన - ఎన్డీఏ కూటమి ఐక్యతతో ముందుకు

తిరుపతి నగరపాలక సంస్థ ఎన్నికలు సమీపిస్తున్న వేళ బీజేపీ రాజకీయంగా దూకుడు పెంచింది. నార్త్ మండలాన్ని కీలకంగా మార్చుకుని, సంస్థాగతంగా బలోపేతం కావాలని వ్యూహం రచిస్తోంది. ఆదివారం శాంతి నగర్‌లో జరిగిన నార్త్ మండల సమావేశంలో బిజెపి నేతలు ఈ రాజకీయ వ్యూహానికి పదును పెట్టారు. ఈ సమావేశంలో రాష్ట్ర అధికార ప్రతినిధి జల్లి మధుసూదన్, టీటీడీ పాలకమండలి సభ్యుడు భానుప్రకాష్ రెడ్డి, సీనియర్లు రాటకొండ విశ్వనాథ్, పి.లక్షణ్, యువమోర్చా నేతలు పృథ్వీరెడ్డి, పార్థసారథి పాల్గొన్నారు.మండల అధ్యక్షులు పగడాల ప్రభాకర్ నాయుడు అధ్యక్షతన జరిగిన ఈ భేటీకి ముఖ్య అతిథిగా హాజరైన వారు కార్యకర్తలకు దిశానిర్దేశం చేశారు. 

మండల ఇన్‌చార్జ్ పోనగంటి భాస్కర్ 

రిజర్వేషన్లు ప్రకటించగానే ఒక్క క్షణం ఆలస్యం చేయకుండా, బలమైన అభ్యర్థులను గుర్తించాలి. ఒంటరిగా కాదు, ఎన్డీఏ కూటమి బలంతో, సమన్వయంతో పోటీ చేసి ప్రతి డివిజన్‌లో బీజేపీ జెండా ఎగరవేయాలి. పార్టీ విస్తరణ కోసం అందరం కలిసి పనిచేయాలి" అని పోనగంటి భాస్కర్ స్పష్టం చేశారు.రానున్న స్థానిక ఎన్నికల్లో టీడీపీ-జనసేన-బీజేపీ కూటమి ఐక్యతే తిరుపతి కార్పొరేషన్‌లో విజయాన్ని నిర్ణయిస్తుందని, అందుకు అనుగుణంగా గ్రౌండ్ లెవెల్‌లో కార్యకర్తలు సిద్ధం కావాలని పిలుపునిచ్చారు. నార్త్ మండలం బిజెపి నాయకులు పాల్గొన్నారు.

సీఎం గౌడ్ తిరుపతి ప్రతినిధి