జిల్లా ప్రగతి, రాష్ట్ర అభివృద్ధియే ధ్యేయం

నెల్లూరు,  మేజర్ న్యూస్ :   విజయదశమి పర్వదినం సందర్భంగా రాష్ట్ర ప్రజలందరికీ, నెల్లూరు జిల్లా వాసులకు పురపాలక, పట్టణాభివృద్ధి శాఖ మంత్రి పొంగూరు నారాయణ  తన హృదయపూర్వక దసరా శుభాకాంక్షలు తెలియజేశారు.ఈ పవిత్రమైన రోజున అమ్మవారి దివ్య ఆశీస్సులతో రాష్ట్రంలోని ప్రతి ఇంటా సుఖసంతోషాలు, ఆయురారోగ్యాలు, ఐశ్వర్యం వెల్లివిరియాలని ఆయన ఆకాంక్షించారు.​ఈ సందర్భంగా మంత్రి నారాయణ మాట్లాడుతూ... ముఖ్యమంత్రి నారా చంద్రబాబు నాయుడు గారి సుదూర విజన్, యంగ్ లీడర్ మంత్రి నారా లోకేష్ గారి సమర్థవంతమైన నాయకత్వంలో మన అమరావతి రాజధానిని ప్రపంచ స్థాయి నగరంగా తీర్చిదిద్దేందుకు అంకితభావంతో రాత్రింబవళ్లు కృషి చేస్తున్నామని. రాష్ట్ర భవిష్యత్తును స్వర్ణమయం చేసే దిశగా మా ప్రభుత్వం శరవేగంగా అడుగులు వేస్తోందన్నారు.​అలాగే నెల్లూరు జిల్లా సమగ్రాభివృద్ధికి, స్థానిక ప్రజల సంక్షేమానికి మేము సంపూర్ణంగా కట్టుబడి ఉన్నామని. జిల్లాలోని ప్రతి అర్హుడికీ సంక్షేమ ఫలాలు అందేలా చూస్తూ, మౌలిక వసతుల కల్పనతో నెల్లూరును రాష్ట్రంలోనే ఆదర్శ జిల్లాగా నిలబెడతామన్నారు.. విజయదశమి స్పూర్తితో దుష్టశక్తులపై మంచి విజయం సాధించి, రాష్ట్రాన్ని ప్రగతి పథంలో ముందుకు తీసుకెళ్తాం, అని స్పష్టం చేశారు.​ప్రజలందరూ పండుగను ఆనందోత్సాహాల మధ్య, శాంతియుత వాతావరణంలో జరుపుకోవాలని కోరుకుంటూ మంత్రి నారాయణ మరొక్కసారి రాష్ట్ర ప్రజలకు విజయదశమి శుభాకాంక్షలు అందజేశారు.