జిల్లా జైలు నందు గాంధీ జయంతి సందర్బంగా వేడుకలు ”

“జిల్లా జైలు నందు గాంధీ జయంతి సందర్బంగా వేడుకలు ”

ఈ రోజు అనగా 02-10-2026 న జిల్లా జైలు నందు జాతిపిత మహాత్మా గాంధీ పుట్టిన రోజైన అక్టోబర్ 2 న గాంధీ జయంతి వేడుకలు నిర్వహించారు. ఈ కార్యక్రమములో కర్నూలు  జిల్లా న్యాయ సేవాధికార సంస్థ కార్యదర్శి బి.లీలా వెంకట శేషాద్రి, పంచాలింగాల మాంటిసోరి  స్కూల్ డీన్ సిద్దు, జిల్లా జైలు సూపరింటెండెంట్ వేణు గోపాల్ రెడ్డి , జిల్లా జైలు జైలర్ జి.యర్కి నాయుడు గారు, చీఫ్ లీగల్ ఎయిడ్ డిఫెన్స్ కౌన్సిల్ శివరామచంద్రరావు, డిప్యూటీ జైలర్లు  పాల్గోని గాంధీ గారికి పూలమాలలను వేసారు.జడ్జి గారు మాట్లడుతూ అక్కడున్న ఖైదీలకు గాంధీ గారి   బాల్యం ను,   గాంధీజీ నడిపిన ముఖ్యమైన పోరాటాలు, కొన్ని సూక్తులు,  ముఖ్యమైన సందేశాలను గురించి తెలియజేసారు. ఈ సందర్భంగా జైల్లో ఉన్న ఖైదీలు సత్ప్రవర్తనంతో శిక్ష ను పూర్తి చేయాలని కోరారు. ఖైదీలకు ఎవరికైనా న్యాయవాదులు లేకుంటే ఉచిత న్యాయవాదులను నియమిస్తామని తెలిపారు.  ఖైదీలకు అందించే ఆహారాన్ని, రేషన్ను వారి ఆరోగ్యం గురించి తీసుకుంటున్న చర్యలను పరిశీలించారు.  ఖైదీలకు ఏమైనా సమస్యలు ఉంటే జిల్లా న్యాయ సేవ అధికార సంస్థను సంప్రదించవచ్చు అని తెలిపారు. లీగల్ సర్వీసెస్ హెల్ప్ లైన్ నెంబర్ 15100 పై ప్రచారం నిర్వహించడం జరిగింది. అనంతరము ఖైధీ లకు స్వీట్స్ పంచిపెట్టారు.గాంధీ జయంతి సందర్భంగా ఖైదీల మధ్య జరిగిన ఆటల పోటీలలో గెలుపొందిన ఖైదీలకు జడ్జి గారి చేతుల మీదుగా బహుమతులను అందజేశారు.  ఈ కార్యక్రమంలో లీగల్ ఎయిడ్ డిఫెన్స్ కౌన్సిల్ చీఫ్ శివరామ చంద్ర రావు , జైలు డాక్టర్ జగదీష్, సోషల్ ఇంకు బెటర్ సెంటర్ సభ్యులు  శ్రీనివాసరావు, మధుబాబు, హనుమంతప్ప మరియు ఖైధీ లు పాల్గొన్నారు.