రెేపు గన్నవరంలో విద్యుత్ సరఫరా నిలిపివేత..

గన్నవరం, అక్టోబరు 3, మేజర్ న్యూస్ ప్రతినిధి  (గుర్రం ప్రసాద్).

విద్యుత్ లైన్ల మరమ్మతులు, నూతన విద్యుత్ లైన్ల ఏర్పాటు పనుల నేపథ్యంలో గన్నవరం విద్యుత్ సెక్షన్ పరిధిలో ఆదివారం విద్యుత్ సరఫరాను నిలిపివేయనున్నట్లు ఏపీ సీపీడీసీఎల్ గుణదల కార్యనిర్వాహక ఇంజినీర్ డి.విశ్వేశ్వర ప్రసాద్ తెలిపారు. ఆదివారం ఉదయం 8.30 గంటల నుంచి మధ్యాహ్నం 1.30 గంటల వరకు దావాజీగూడెం రోడ్డు, శ్రీనగర్ కాలనీ, సుబ్బారావునగర్, రాజీవ్ కాలనీ, ఎస్టీబీఎల్ కాలనీ, మల్లికార్జున స్కూల్ రోడ్డు, బుద్ధవరం రోడ్డు, మదర్ థెరిసా కాలనీ ప్రాంతాల్లో విద్యుత్ సరఫరా నిలిచిపోతుందని పేర్కొన్నారు. గృహ, వ్యవసాయ, వ్యాపార, పరిశ్రమల విద్యుత్ వినియోగదారులు అసౌకర్యాన్ని అర్థం చేసుకుని సహకరించాలని కోరారు.