కష్టకాలంలో ఏలూరి ఆపన్నహస్తం

ఇంకొల్లు, మేజర్‌న్యూస్‌ : ఆపద వేళ ఆదుకునే ఆపన్నహస్తం కోసం ఎదురుచూస్తున్న ఆ కుటుంబాలకు ఎమ్మెల్యే ఏలూరి సాంబశివరావు చొరవ భరోసానిచ్చింది. సీఎంఆర్ఎఫ్ ద్వారా వైద్యసాయం అందేలా ప్రత్యేక శ్రద్ధ తీసుకోవడంతో ముగ్గురు బాధిత కుటుంబాలకు రూ.2,71,485 విలువైన ఎల్వోసీలు మంజూరయ్యాయి. వాటిని ఎమ్మెల్యే ఏలూరి స్వయంగా లబ్ధిదారులకు అందజేశారు.అనారోగ్యం వచ్చినప్పుడు వైద్య ఖర్చులు పేద కుటుంబాలను మరింత కుంగదీస్తాయి. ఆ సమయంలో వారికి అండగా నిలవాల్సిన బాధ్యత మనపై ఉంది, డబ్బు లేక ఏ పేదవాడూ వైద్యానికి దూరం కాకూడదు. అర్హత ఉన్న ప్రతి ఒక్కరికీ సీఎంఆర్ఎఫ్ ద్వారా సాయం అందేలా కృషి చేస్తా’’ అని ఎమ్మెల్యే ఏలూరి సాంబశివరావు తెలిపారు.