ఇంద్రకీలాద్రిపై కనకదుర్గమ్మను దర్శించుకున్న పశ్చిమగోదావరి జిల్లా కలెక్టర్ నాగరాణి

ఇంద్రకీలాద్రి మేజర్ న్యూస్ : ఇంద్రకీలాద్రిపై కొలువై ఉన్న శ్రీ దుర్గా మల్లేశ్వర స్వామివార్ల దేవస్థానంలో శ్రీ కనకదుర్గమ్మవారిని పశ్చిమగోదావరి జిల్లా కలెక్టర్ చదలవాడ నాగరాణి గురువారం కుటుంబ సమేతంగా దర్శించుకున్నారు. ఈ సందర్భంగా దేవస్థానం అధికారులు ఆలయ సంప్రదాయాల ప్రకారం ఆమెకు ఘన స్వాగతం పలికారు. అనంతరం అర్చకులు శాస్త్రోక్తంగా పూజలు నిర్వహించి అమ్మవారి దర్శనం కల్పించారు. దర్శనం అనంతరం కలెక్టర్ కుటుంబానికి వేదమంత్రోచ్ఛారణల నడుమ వేదాశీర్వచనం అందించి, అమ్మవారి పవిత్ర ప్రసాదాన్ని అందజేశారు. ఆలయ సంప్రదాయాల ప్రకారం జిల్లా కలెక్టర్‌కు దేవస్థానం తరఫున ఆలయ మర్యాదలు నిర్వహించారు.