86వ డివిజన్ కండ్రికలో బొండా సిద్ధార్థ ఇంటింటి ప్రచారం

విజయవాడ మేజర్ న్యూస్ : విజయవాడ సెంట్రల్ నియోజకవర్గంలోని 86వ డివిజన్ కండ్రిక రామాలయం వద్ద గురువారం తెలుగుదేశం పార్టీ  యువ నాయకుడు బొండా సిద్ధార్థ ఇంటింటి ప్రచారం నిర్వహించారు. స్థానిక ప్రజలను కలిసి వారి సమస్యలను అడిగి తెలుసుకుంటూ, కూటమి ప్రభుత్వం అమలు చేస్తున్న సంక్షేమ పథకాలు, అభివృద్ధి కార్యక్రమాలను వివరించారు. ఈ సందర్భంగా బొండా సిద్ధార్థ మాట్లాడుతూ, ఎమ్మెల్యే బొండా ఉమామహేశ్వరరావు నాయకత్వంలో సెంట్రల్ నియోజకవర్గంలోని 29 డివిజన్లలో తెలుగుదేశం పార్టీ, ఎన్డీఏ కూటమి బలోపేతానికి సమష్టిగా కృషి  చేస్తున్నామని తెలిపారు. ప్రజా సమస్యల పరిష్కారంతో పాటు నియోజకవర్గ అభివృద్ధికి ప్రాధాన్యతనిస్తూ ముందుకు సాగుతున్నామని పేర్కొన్నారు. ప్రభుత్వం ప్రజలకు ఇచ్చిన హామీల అమలు, సంక్షేమ పథకాల ద్వారా అర్హులకు అందుతున్న ప్రయోజనాలను ఇంటింటికీ వెళ్లి వివరిస్తున్నామని చెప్పారు. ప్రజలతో నేరుగా మమేకమై వారి అభిప్రాయాలను తెలుసుకోవడం, స్థానిక సమస్యలను సంబంధిత నాయకుల దృష్టికి తీసుకెళ్లడం ప్రచార కార్యక్రమ ముఖ్య ఉద్దేశమని వివరించారు. ఈ కార్యక్రమంలో కాకొల్లు వరలక్ష్మి, కాకొల్లు సాయి హర్ష, కాకొల్లు ఝాన్సీ, కాకొల్లు సాయి చరణ్, ఎస్.కె. బాబు, కోమారి రాజేష్, కోరాడ రమణ, బాబు, తిరుపతయ్య, రమణ, సూర్యనారాయణ, ఖాజా, రాజు తదితరులు పాల్గొన్నారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.