హెల్త్ డిప్యూటీ డైరెక్టర్ తనిఖీలు

                         నేటి దినపత్రిక సూర్య బ్యూరో (రాజమహేంద్రవరం ) ఆంధ్రప్రదేశ్ స్టేట్  డైరెక్టర్ మెడికల్ అండ్ హెల్త్ సర్వీసెస్,  డిప్యూటీ డైరెక్టర్, వైటల్  స్టాటిస్టిక్స్ శ్రీ యం. శ్రీనివాసరావు  మరియు రీజనల్ డైరెక్టర్ మెడికల్ అండ్ హెల్త్ సర్వీసెస్, జోన్ 2 రాజమహేంద్రవరం, డిప్యూటీ డైరెక్టర్, వైటల్  స్టాటిస్టిక్స్, కే శ్రీనివాసరావు  రాజమహేంద్రవరం నగరపాలక కార్యాలయంలో బుధవారంతనిఖీలు నిర్వహించారు. జనన మరణ విభాగమునందలి రికార్డ్స్ 

తనిఖీ చేసి, హెల్త్  అసిస్టెంట్లకు  సమావేశం నిర్వహించారు. రిజిస్ట్రేషన్ చేసిన జనన మరియు మరణ రిపోర్ట్స్ పరిశీలన చేసారు. ఎటువంటి జాప్యం లేకుండా జనన మరియు మరణ నమోదులు చేసి  రిజిస్ట్రేషన్ చేయవలసినదిగా ఆదేశించారు 2026 వ సంవత్సరంలో వచ్చిన జనన - మరణ రూల్స్ ప్రకారం ప్రతి ఒక్కరు పనిచేయాలని తగుచూచనలు ఇచ్చినారు. ఈ మీటింగ్ నందు ఎం.హెచ్.ఓ. డా.వినూత్న, డిస్ట్రిక్ట్  స్టాటిస్టికల్ ఆఫీసర్ శ్రీ కుమార స్వామి  డిప్యూటీ స్టాటిస్టికల్ ఆఫీసర్ శ్రీ యమ్. యన్. సుదీర్ బాబు మరియు హెల్త్ అసిస్టెంట్లు పాల్గొన్నారు.. సివిల్ రిజిస్ట్రేషన్ సిస్టం (సిఆర్ సి పోర్టల్ ) నందలి రిజిస్త్రేషన్ లను మరియు ప్రైవేట్ హాస్పిటల్స్  నుండి వచ్చే జనన మరియు మరణ నమోదులు   పరిశీలించారు. ప్రైవేట్ హాస్పిటల్స్ మాగ్న మదర్ అండ్ చైల్డ్ హాస్పిటల్ మరియు కోస్టల్ కార్డియాక్ అండ్ మెటర్నిటీ హాస్పిటల్ లను సందర్శించి  జనన రికార్డులను పరిశీలించి డాక్టర్లకు  తగు సూచనలు చేసారు.