హాస్టల్ వార్డెన్ అంజనాకు స్వర్ణాంధ్ర అవార్డు

కామవరపుకోట, మేజర్‌న్యూస్‌ : స్థానిక సోషల్ వెల్ఫేర్ గర్ల్స్ హాస్టల్ వార్డెన్ అంజనాకు ఏలూరు కలెక్టర్ వెట్రి సెల్వి గాంధీ జయంతి సందర్భంగా శుక్రవారం స్వర్ణాంధ్ర అవార్డును అందజేశారు. వసతి గృహ పరిసరాలను, వంటశాలను, విద్యార్థుల గదులను పరిశుభ్రంగా ఉంచడంతో జిల్లాస్థాయిలో గాంధీ జయంతి సందర్భంగా అందజేసే స్వర్ణాంధ్ర అవార్డును కలెక్టర్ అందించినట్లు తెలిపారు. బాలికల హాస్టల్ కావడంతో విద్యార్థులు పట్ల ప్రత్యేకమైన అంకితభావంతో విధులు నిర్వహించడం జరుగుతుందని, ఈ అవార్డు రావటం సంతోషంతో పాటు విధుల నిర్వహణలో మరింత బాధ్యతను పెంచిందని అంజన తెలిపారు. వార్డెన్ అంజనాకు అవార్డు రావడం పట్ల విద్యార్థులు, విద్యార్థుల తల్లిదండ్రులు, గ్రామస్తులు అంజనా కు అభినందనలు తెలిపారు.

 సుభాష్ కామవరపకోట