గ్రామపంచాయతీ ఎన్నికలు కోసం స్టేజ్ వన్ రిటర్నింగ్ అధికారుల శిక్షణా కార్యక్రమం

నెల్లూరు రూరల్, మేజర్ న్యూస్ :  జిల్లా పంచాయతీ అధికారి ఆదేశాల మేరకు నెల్లూరు జిల్లాలోరెండవ సాధారణ గ్రామపంచాయతీ ఎన్నికలు కోసం స్టేజ్ వన్ రిటర్నింగ్ అధికారుల శిక్షణా కార్యక్రమాన్ని డివిజనల్ పంచాయతీ స్థాయిలో నెల్లూరు రూరల్ మండల ప్రజాపరిషత్ కార్యాలయంలో నిర్వహించడం జరిగింది. నెల్లూరు డివిజన్లో 11 మండలముల నుండి సర్పంచుల నుండి ,వార్డు సభ్యుల నుండి నామినేషన్లు స్వీకరించుట కొరకు 93 మంది స్టేజ్ వన్ అధికారుల కు రెండవ శిక్షణా కార్యక్రమం నిర్వహించడం జరిగింది. ఈ కార్యక్రమంలో 11 మండలముల యొక్క ఎంపీడీవోలు, డిప్యూటీ ఎంపీడీవోలు పాల్గొన్నారు. ఈ కార్యక్రమంలో నెల్లూరు డివిజనల్ రెవెన్యూ అధికారి  కుమారి ఎన్. అనూష  ముఖ్యఅతిథిగా పాల్గొన్నారు. జి ఎస్ డబ్ల్యు ఎస్ జిల్లా అధికారి అయిన డి వసుమతి  మరియు నెల్లూరు డివిజన్ డిడిఓ స్వరూప్ కుమార్ అతిధులుగా పాల్గొన్నారు. మూడవ దశలో జరగబోవు 230 పంచాయితీలకు నామినేషన్లు తీసుకొనుటకు ఈ శిక్షణ నిర్వహించడం జరిగింది. ఈ శిక్షణ కార్యక్రమానికి  నెల్లూరు డివిజనల్ పంచాయతీ అధికారి అయిన డాక్టర్ పుట్టా రమణయ్య కన్వీనర్ గా వ్యవహరించారు.