గ్రామ పంచాయతీ ఎన్నికలు ప్రశాంతంగా జరిగేలా పోలీసుల ఫ్లాగ్ మార్చ్

హిందూపురం :- త్వరలో జరగనున్న గ్రామ పంచాయతీ ఎన్నికల నేపథ్యంలో శాంతిభద్రతల పరిరక్షణ, ప్రజల్లో భద్రతాభావం కల్పించడమే లక్ష్యంగా చిలమత్తూరు పోలీస్ స్టేషన్ పరిధిలోని చెరువుకిందపల్లి, సోమగట్ట, పాలగలపల్లి, సనగానిపల్లి, కల్లుకుంట, చాగలేరు గ్రామాల్లో హిందూపురం రూరల్ సీఐ జనార్ధన్ చిలమత్తూరు ఎస్‌ఐ శ్రీధర్ , పోలీసు సిబ్బంది ఫ్లాగ్ మార్చ్ నిర్వహించి, ప్రజలకు అవగాహన కార్యక్రమాలు చేపట్టారు.ఈ సందర్భంగా సి ఐ జనార్ధన్  గ్రామస్థులతో  మాట్లాడుతూ ఎన్నికల సమయంలో ఎలాంటి అవాంఛనీయ సంఘటనలు, గొడవలు, ఘర్షణలకు తావివ్వకుండా ప్రతి ఒక్కరూ సంయమనం పాటించాలని సూచించారు. 
గ్రామాల్లో శాంతిభద్రతలకు విఘాతం కలిగించే చర్యలకు దూరంగా ఉండాలని, ఎన్నికలు ప్రశాంతంగా, స్వేచ్ఛగా జరిగేందుకు పోలీసులకు ప్రజలందరూ సహకరించాలని కోరారు.

హిందూపురం సూర్య స్టాప్ రిపోర్టర్ నాగేంద్ర