గిరిజన యువతకు 8న అవగాహన సదస్సు
మెలియాపుట్టి: గిరిజన యువతలోని ప్రతిభను వెలికితీసి, వారి వినూత్న వ్యాపార ఆలోచనలను ఆచరణలోకి తీసుకెళ్లేందుకు సీతంపేట ఐటీడీఏ ఆధ్వర్యంలో ‘ITDA Tribal Entrepreneur Challenge–2026’ కార్యక్రమాన్ని నిర్వహిస్తున్నట్లు ఐటీడీఏ పీవో పవార్‌ స్వప్నిల్‌ తెలిపారు. ఈ మేరకు ఆయన సోమవారం ఒక ప్రకటన విడుదల చేశారు.ఈనెల 8న ఉదయం 10 గంటలకు ఐటీడీఏ సమావేశ మందిరంలో అవగాహన సదస్సు నిర్వహించనున్నట్లు పేర్కొన్నారు. గాయత్రి విద్యా పరిషత్‌ ఎడ్యుకేషనల్‌ ఇన్‌స్టిట్యూట్‌, విశాఖపట్నం మేనేజ్‌మెంట్‌ స్టడీస్‌ హెచ్‌వోడీ ప్రొఫెసర్‌ రజిని యువతకు వినూత్న వ్యాపార ఆలోచనలపై అవగాహన కల్పిస్తారని తెలిపారు. కార్యక్రమానికి దరఖాస్తు చేసుకున్న గిరిజన యువత తప్పనిసరిగా హాజరు కావాలని సూచించారు. హాజరయ్యే వారికి మధ్యాహ్న భోజన సదుపాయం కల్పిస్తామని వెల్లడించారు. గిరిజన యువత అవకాశాన్ని వినియోగించుకోవాలని కోరారు
