ఘనంగా ఎంపిపి, వైస్ ఎంపిపిల ప్రమాణ స్వీకారోత్సవం
బుచ్చిరెడ్డిపాలెం, మేజర్ న్యూస్ : మండలంలో ఇటీవల జరిగిన ఎంపిటిసి ఎన్నికలలో 11 స్థానాల లో గెలిచిన అభ్యర్థులలో ఎంపిపి, వైస్ ఎంపిపి ల ఎంపిక, స్వీకారోత్సవం గురువారం స్థానిక మండల పరిషత్ కార్యాలయంలో రిటర్నింగ్ అధికారి సోమ్లా నాయక్, ఎంపిడిఓ ఎస్ రంతుల్లయ్య ల ఆధ్వర్యంలో ఘనంగా నిర్వహించారు. 8 స్థానాలలో టిడిపి అభ్యర్థులు గెలవగా, ఒక స్థానంలో బిజెపి, ఒక స్థానంలో కాంగ్రెస్, మరో స్థానంలో వైసిపి అభ్యర్థులు గెలుపొందారు. వీరిలో దామరమడుగు 1లో గెలిచిన దారా అన్నపూర్ణను ఎంపిపి గా, రేబాల1లో ఎంపిటిసిగా గెలిచిన ఆరు గుంట ఉషను వైస్ ఎంపిపి గా మిగిలిన సభ్యులందరూ ఏకగ్రీవంగా ఎన్నుకున్నారు. అనంతరం ఆర్ఓ సోమ్లా నాయక్ అందరికి డిక్లరేషన్ ఫారాలను అందజేశారు. ప్రమాణ స్వీకారోత్సవ అనంతరం పలువురు టిడిపి నాయకులు ఎంపిపిగా ఎంపికైన దారా అన్నపూర్ణను శాలువాలతో సత్కరించి ఎంపిపి స్థానంలో కూర్చోబెట్టి శుభాకాంక్షలు తెలిపారు. ఈ సందర్భంగా అన్నపూర్ణ మాట్లాడుతూ తన మీద నమ్మకం ఉంచి ఎంపిపిగా ఎంపిక చేసిన కోవూరు ఎమ్మెల్యే వేమిరెడ్డి ప్రశాంతి రెడ్డికి, సహచర ఎంపిటిసి సభ్యులకు,టిడిపి నాయకులకు ప్రత్యేక కృతజ్ఞతలు తెలియజేశారు. అందరికీ అందుబాటులో ఉంటూ మండల ప్రజల సమస్యలను ఎప్పటికప్పుడు తెలుసుకొని ఎమ్మెల్యే వేమిరెడ్డి ప్రశాంతి రెడ్డి దృష్టికి తీసుకెళ్లి వారి సూచనలతో, జెడ్ పి టి సి సభ్యులు ఏటూరి శివరామకృష్ణారెడ్డి సహకారంతో పరిష్కరించేందుకు కృషి చేస్తానన్నారు. ఈ కార్యక్రమంలో కోవూరు నియోజకవర్గ సమన్వయకర్త, సీనియర్ టిడిపి నాయకులు కోడూరు కమలాకర్ రెడ్డి, బుచ్చి రెడ్డిపాలెం జడ్పిటిసి సభ్యులు ఏటూరి శివరామకృష్ణారెడ్డి, టిడిపి నాయకులు కే వి శేషయ్య, ఎరట పల్లి శివకుమార్ రెడ్డి, మోర్ల మురళి, మండలంలోని టిడిపి నాయకులు, కార్యకర్తలు, ఎంపిపి కార్యాలయ అధికారులు, సిబ్బంది పాల్గొన్నారు.