ఎంపీపీ,వైస్ ఎంపీపీ, ఎంపీటీసీ సభ్యులను సన్మానించి అభినందనలు తెలిపిన నేతలు
ఆత్మకూరు, మేజర్ న్యూస్ : ఆత్మకూరు మండల పరిషత్ అధ్యక్షురాలుగా ఉపాధ్యక్షులుగా ఎన్నికైన వారిని ఎంపిటిసి సభ్యులుగా ఎన్నికైన వారిని గురువారం పలువురు తెలుగుదేశం నాయకులు ఘనంగా సన్మానించి అభినందనలు తెలిపారు. గురువారం స్థానిక మండల పరిషత్ కార్యాలయం వద్ద ఎంపీపీ, వైస్ ఎంపీపీ ఎన్నిక, ఎంపీటీసీ సభ్యుల ప్రమాణ స్వీకారోత్సవం నిర్వహించారు. అనంతరం మండలాధ్యక్షురాలుగా ఎన్నికైన దావా సుమన్యును, మండల ఉపాధ్యక్షులుగా ఎన్నికైన నరసయ్య నాయుడును ఎంపీటీసీ సభ్యులుగా ఎన్నికైన బొమ్మతోటి ఇందిరమ్మ,వీరదిమ్మే గీతమ్మ, కేతా వేణుగోపాల్ రెడ్డి, షేక్ ఖాజావలి, మామిడి చందన,పువ్వాడ వెంకటేశ్వర్లు లను నాయకులు ఘనంగా సన్మానించి అభినందనలు తెలిపారు.మండల టిడిపి అధ్యక్షుడు సుంకర పెంచల చౌదరి, మాజీ మండల అధ్యక్షుడు కేత వేణుగోపాల్ రెడ్డి, కరటంపాడు వేమన సంస్థాన వారసుడు వేమన రామచంద్ర నాయుడు, తెలుగుదేశం రాష్ట్ర నాయకులు దావా పెంచల్రావు, తెలుగుదేశం నాయకులు కొర్రపాటి జనార్ధన్ నాయుడు,చల్లా రవికుమార్ రెడ్డి, పూనుగుంట ధనుంజయ, కిలారి సుబ్రహ్మణ్యం నాయుడు తదితరులు ప్రాదేశిక ప్రజా ప్రతినిధులను ఘనంగా శాలువాలతో సన్మానించి అభినందనలు తెలిపారు.