ఘనంగా బాలల దినోత్సవ వేడుకలు

ఉదయగిరి,  మేజర్ న్యూస్ :  దేశ మొట్టమొదటి ప్రధానమంత్రి జవహర్లాల్ నెహ్రూ జయంతి సందర్భంగా బాలల దినోత్సవ వేడుకలను శనివారం పలు ప్రభుత్వ పాఠశాలల్లో ఘనంగా నిర్వహించారు. స్థానిక ఉర్దూ బాలికల పాఠశాలలో ప్రధానోపాధ్యాయుడు షేక్ఎండీ కరీం, ఉపాధ్యాయిని షేక్ నస్రీన్లు విద్యార్థులతో కలిసి నెహ్రూ చి త్రపటానికి పూలమాలలు వేసి నివాళులర్పించారు. అనంతరం విద్యార్థులకు స్టీల్ గ్లాసులు, మిఠాయిలు పంచిపెట్టారు. అలాగే మండలంలోని బిజ్జంపల్లి జిల్లా పరిషత్ ఉన్నత పాఠశాలలో ప్రధానోపాధ్యాయుడు మాధవరావు, ఉపాధ్యాయులు విద్యార్థులతో కలిసి బాలల దినోత్సవ వేడుకలను నిర్వహించారు. ఎస్ఎంసీ చైర్మన్ షేక్ నాయబ్ విద్యార్థులకు వి ఠాయిలు పంచిపెట్టారు. వెంకట్రావుపల్లి జిల్లా పరిషత్ ఉన్నత పాఠశాలలో ప్రధానోపాధ్యాయుడు చల్లా వెంకటేశ్వర్లు దాతలు అందజేసిన రూ.45 వేలు విలువ కలిగిన సిస్టం అండ్ ప్రింటర్ను ఎస్ఎంసీ చైర్మన్ రసూల్తో కలిసి ప్రారంభించారు. విద్యార్థులకు పలకలు, బలపాలు పంపిణీ చేశారు. ఈ కార్యక్రమంలో ఉపాధ్యాయులు పాల్గొన్నారు.