ఘాట్ రోడ్లో అదుపుతప్పి కొండను ఢీకొట్టిన కంటైనర్
-ఒకరు మృతి.. ఇద్దరుకు గాయాలు ,
పాచిపెంట, నవంబర్ 17, మేజర్ న్యూస్:
కంటైనర్ లారీ ఘాట్ రోడ్లో అదుపుతప్పి కొండను ఢీకొట్టడంతో ఒకరు మృతి చెందగా ఇద్దరు గాయాల పాలయ్యారు. పాచిపెంట ఎస్ ఐ లాలం అర్జున్ కథనం మేరకు వివరాలు ఇలా ఉన్నాయి. తెల్లవారు జామున సుమారు నాలుగు గంటల సమయంలో ఛత్తీస్గఢ్ రాష్ట్రం నుండి విశాఖపట్నం వైపు వెళ్తున్న ఒక కంటైనర్ లారీ ఘాట్ రోడ్డులో పీ కోనవలస చెక్పోస్టుకు సుమారు ఒక కిలోమీటరు దూరంలో అదుపుతప్పి కొండను ఢీ కొట్టి బోల్తా పడింది. ఈ ప్రమాదంలో రాజస్థాన్ రాష్ట్రానికి చెందిన మనీష్ కుమార్ (45 ) మృతి చెందారు.ఈ సంఘటనపై కేసు నమోదు చేసి దర్యాప్తు చేస్తున్నారు.అదేవిధంగా, ప్రమాదానికి గురైన కంటైనర్ లారీని బయటకు తీసేందుకు పోలీసులు సహాయక చర్యలు చేపడుతున్న సమయంలో, అక్కడ నిలిపి ఉంచిన ఒడిశా రాష్ట్రం నుండి విశాఖపట్నం వెళ్తున్న ఆర్టీసీ బస్సును, ఒడిశా నుండి బొబ్బిలి వైపు వెళ్తున్న మరో లారీ బ్రేకులు ఫెయిల్ కావడంతో వెనుక నుండి ఢీకొట్టింది. ఈ రెండవ ప్రమాదంలో ఆర్టీసీ బస్సులో ప్రయాణిస్తున్న ఇద్దరు ప్రయాణికులకు స్వల్ప గాయాలయ్యాయి.”
ఈ రెండు రోడ్డు ప్రమాదాలకు సంబంధించి కేసులు నమోదు చేసి, తదుపరి దర్యాప్తు చేపట్టడం జరుగుతోందని ఎస్సై అర్జున్ తెలిపారు.